ئاشکرا بی چەتین جان-ی ئاکەپەی جە کۊبییەیۊکەو ساڵەو پاروو سەرۊککۊمار "ئەرڎۊغان"ینە جە شاروو وانینە، تەندەروو بەکرێگێرتەی سەیارەکاش و ئەوەش ور گێرتەن، کە جە ساڵەو ٢٠١٦ینە بۊنەو گەندەڵیوە جە تەندەرەکانە گیریا و زینڎانی کریا.

شارەوانیی گەورەو شاروو وانی، کە لاو قەیومەوە دەسش گیریان ملەرە، پەی کۊبییەیۊ گرڎینەکەو "ڕەجەب تەیب ئەرڎۊغان"ی سەرۊکوو ئاکەپە و سەرۊککۊماروو تورکی جە ١١و حوزەیرانوو ساڵەو پارینە تەندەرێوە گەورەش پەی 'بەکرێگێرتەی سەیارەی' پەی هاموشۊ و کۊکەرڎەیۊ خەڵکی جە کۊبییەیۊکەنە، پێشکەش کەرڎەبۍ.

تەندەرەکە پەی 2,399,256,00 پەی کۊمپانیاو فاڕایۊ و بیناسازیی ÇE-TA کریان، کە ساعیبەکێشا ئەندامۍ ئەنجوومەنوو شارەوانیی ئاکەپەینۍ. "چەتین جان و کازم جان'ی ئاکەپەیی سەرەڕاو ئا گەندەڵییەیشا چەنی کۊمپانیاو  ÇE-TA  حیچ چەنەکۊڵیایۊێشا چەنی نەکریا.

هەمان کۊمپانیا جە ساڵەو ٢٠١٦ ینە وەروو 'گەندەڵی' جە تەندەروو بەکرێگێرتەی سەیارانە چەنییش کۊڵیابێوە. ساعیبۍ کۊمپانیاکەی "چەتین جان و کازم جان"ی ئاکەپەیی ماوەو مانگێوە زینڎانی کریۍ، وەلێم دماو ئانەی جە ڕووەی سیاسیێوە هەرمانەشا پەی کریا و ئازاڎۍ کریۍ. ئیسماعیل سای پارێزەروو ئاکەپەی پەی ئا دووە برایا، جە لاو وەزارەتوو "دلێ"وە، بەزۊر ملوو شارەوانیی ئارتەمێتووهەدەپەیرە سەپیابۍ.

"چەتین و کازم کان" هەڵای جە شارەوانیی گەورە شاروو وانینە لاو قەیومیوە تەندەرشا دریۊ پەنە. حەرپاسە کۊمپانیاو (ÇE-TA) سکاڵاش سەروو ئا ڕۊنامەنویسانە تۊمارە کەرڎە، کە هەواڵشا بارەو گەندەڵییەکاشاوە وەڵا کەرڎەبۍ. جە سکاڵێکێشانە دژوو ڕۊنامەنویسا بانگەشەو ئانەیشا کەرڎەبۍ، کە یانۍ های"بوختان"-یشا پەی کریێنە. جان جە هەژماروو میدیای دیجیتاڵیی وێشنە ماچۊ، ئاکەپەێوە چالاکا، وەلێم وەختوو سکاڵاکەرڎەینە دژوو ڕۊژنامەنویسا بانگەشەو ئانەیش کەرڎەن، کە حیچ پەیوەندیێوەش بە ئاکەپەیۊ نییا.

جان وەختوو هجوومی ئەرەگیری پەی سەروو عەفرینینە، جە میدیای دیجیتاڵیی وێشنە نویستەبێش "سوپێکێما لوا دلێوە، پاککەرڎەیۊ دەسش پەنە کەرد "!

س.ز‌