پۆلیسوو بەلجیکای هورشکوا سەروو ستێرک تی ڤی و مەدیا خەبەر تی ڤی، دەسشا سەروو کۆمپیوتەری و کەلو پەلە تەکنیکیەکارە گېرت و ئا کەلووپەلېچە کە مەنێبێنۍ دلېنەبریۍ و تاڵانۍ کریۍ. پۆلیسەکۍ پەی ئانەی پەخششا مردنا گرڎوو کێبڵ و وایەرەکاشا پڕچنۍ.
پۆلیسوو بەلجیکای هورشکوا سەروو ستێرک تی ڤی و مەدیا خەبەری و دەسشا سەروو کۆمیۆتەرەکارە گېرت. پۆلیسەکۍ پەی ئانەی ڕاگیری جە پەخشوو کەناڵەکا بکەرا، سەرەتا کێبڵۍ و ئامێرۍ پەخشی و کۆمپیوتەرەکاشا بڕی و گرڎ شۊنۍ بیناکۍ گێڵۍ و تاڵانەشا کەردە.
پۆلیسوو بەلجیکای بەرەو ژووروو ئوپلینکیشا ماڕا و لووۍ چووەروو کەرەسەکۍ دلێشا ماڕۍ.
پۆلیسەکۍ لووۍ دلۍ کارمەندەکاو سیکیورتی و کەلەپچەشا کەردۍ و سەروو زەمینیۆ کیشنێشا. پۆلیسەکۍ تنووتیژییشا بەکارئارد.
جە وەختوو هورکوای سەروو کەناڵەکانە، شارەکەنە ئا یاگۍ کە ستیۆدیۆشا ئینا چنە، جە تەرەفوو پۆلیسەکاوە تەوقە دریۍ. زیاڎ جە ٢٠٠ پۆلیسا بەشداریشا جە هۊرکوای سەروو کەناڵەکانە کەرد، کە دلېشانە پۆلیسی مەدەنی و دەمامکدارېچ بێنۍ.
