پارێزگاو مێردینی جە دەگاکا خرابێمشکە و مارین و بادیبێ و قوتبی و سیدەری جە دامێنوو کەش و باگۆکینە پەی ماوەو ١٥ ڕووا "هەرێمی ئەمنی تایبەت"یش ئەرەیاۋنا. پارێزگاکە ئەرەیاۋناس قەڎەغەکە جە ٢٢ ۍ نیسانی (ئارۆ) دەس پنە مکەرۆ تا ٥ و ئایاری بەردەوامیش بۆ. دماو قەڎەغەکەردەو ئاماو لووای، سەڎاو بۆمبا هەرێمەکەنە بەرز بۆوە.

بەپاو زانیارییەکا جە دەگایەکا دۆرا کەڤر و دۆرا کۆچەک و کەڤری سیا و ئا هەرێما کە قەبرسانوو گەریلاکاش چنەن، بۆردوومان کریێنۍ.

حەرپاسە هەرێموو دەگاو خرابێمشکەینە سەڎاو ئەوەتەقای و چەکی بەرز بۆوە.

خەڵکوو هەرێمەکەی ئەرەیاۋناش بەمەڵامەتوو بۆردوومانیۆ مەتاوا یانەکاشانە بزیارە.