شارو دراگیوگنانو فەرەنساینە هرووژمەکێ دۆڵەتو تورکی و چەتەکۍ داعشی کە نامێ سوپاو نەتەوەیی سوریایشا جە وێشا نیان پەی سەرو هەرێمەکا سەرنیشتوو وەرکەوتوو سوریای  بە ڕاپیمایۍ شەرمەزار کریا.

ڕاپیماکەی جە لایەنو ئەنجومەنو گەلو کوردی جە دراگیوگناینە سازکریابێ. جگە جە کوردەسانیاو ژمارێوە فرە جە دۆسا فەرەنسایی کە پێکئامێ بێنێ جە نوێنەراو رێکوزیا و سەندیکا چەپ و کرێکاریەکا بەشدارۍ ڕاپیماکەی بێنێ.

ڕاپیماکەی جە وێستگەو قیتارو نایسینە دەسشپنەکەرد و تا ناوەندو شارەکەی بەردەوام بێ. ڕاپیماکەینە لافیتەکێ ڕابەر ئاپۆی، ئاڵاکۍ یەپەگە و یەپەژەی و پۊست کارتۍ بە نویسیای "مەبیدۍ بە هامکارۍ کۆمکوژی کوردا" بەرزکریێوە.

جە ڕاپیماکەینە دروشمەکۍ "بکوژ ئەردۆغان"، بکوژ تورکیا" وچیێوە.