هەرەئە گەشمەرڏە بییەو هەشت جەنگاوەراش ئەرەیاونا
هێزەکا ڕزگاری عەفرینی شناسنامەو ٨ جەنگاوەراش ئاشکرا کەرد کە جەمڏرامانەکا دژ بە هرووژمە ئەرەگیریەکانە جە مانگەو کانوونو یوەمو ٢٠٢٤نە گەشمەرڏێ بیێنۍ.
هێزەکا ڕزگاری عەفرینی (هەرەئە) بە ئەرەیاونێوە ئاشکراش کەرد ٨ جە جەنگاوەرەکاش جە مڏرامانشا دژ بە هرووژمەکا ئەرەگیرو دۆڵەتو تورکی و چەتەکاش جە مانگەو کانوونو دووەمی ٢٠٢٤نە گەشمەرڏێ بیێ و ئاماژەش پانەیەدا جە دماو پێشئامایەکا سووریا دۆڵەتو تورکی و چەتەکاش ئا ڕووەدێشا قۆستێنێ و پەرەشا بە هرووژمەکاشا دان.
جە ئەرەیاوناکەینە ئاماژە کریان پانەی جەنگاوەرێ جە پارێزناو سەنگەرەکاشانە بیێنێ پەی فاڕایۆ گەلوو شەهبای و تل ڕفعەت پەی هەرێمە ئارامەکا ئیدارەو وێڕاوەبەری و ئامان: "بەینو ١-٢ی کانوونو یوەمی ٢٠١٤نە هرووژمە ئەرەگیرەکێ قورستەرێ بیێنێ و جەنگ بەینو هێزەکاما و ئەرەگیرا ڕووەشادێنە. جە ئەنجامو ئا جەنگەینە کە دووێ ڕوێ بەردەوام بێ، هەشت جەنگاوەرێما بە فیداییۆ جەنگیێ و گەشمەردێ بیێ."
جە بەشێوە تەرو ئەرەیاوناکەینە ئاماژە پانەیە کریان جەنگاوەرێ بە ونەو وێشا ڕاشا جە ڕووداوە تراژیدیا و کارەساتەکا سەرو گەلی کەردەن و ئامان: "جەنگاوەرێما بە فیدکاری وێشاوە ڕاگیریشا جە واوەی بییەیۆ کۆمکوژیی تەر هامشێوەو شەنگالی سەرو گەلەکەیما کەرد. ئی فیداکارییە بۆ بە بناغەو ئەوەکۆشایما جە دژو ئەرەگیرا."
جە دماینو ئەرەیاوناکەینە سەرسەلامەتی جە بنەیانەو گەشمەرڏە قارەمانەکاما و گەلوو وڵاتپارێزی کریا، وە قەولو بەردەوام بییەی سەرو ڕێچکە و ئامانجو گەشمەرڏا واوەی کریاوە.
بە پاو ئەرەیاوناکەی شناسنامەو گەشمەرڏا پی جۆرەنە:
ناسنامع: جانفیدا عەفرین
نامێ و دما نامێ: محمەد عەلی
نامێ ئەڏۍ – تاتەی: ئەمینە - ئیبراهیم
یاگێ جە ئەڏیابییەی: حەلەب
یاگێ و کاتو گەشمەرڏە بییەی: هەرێمو شەهبای- تل ڕەفعەت/ ٢ی کانوونو ٢٠٢٤
*
ناسنامۍ: چیا عەفرین
نامێ و دمانامێ: محمەد ئیسماعیل
نامۍ ئەڎۍ– تاتەی: ڕبیعە - زیاد
یاگێ جە ئەڏیابییەی: حەلەب
یاگێ و کاتو گەشمەرڏە بییە: هەرێمو عەفرین- شێراوا/ ٢ی کانوونو یوەمی ٢٠٢٤
*
ناسنامۍ: دڵشێر عەفرین
نامێ و دما نامێ: عەلی حەمۆ
نامۍ ئەڏۍ – تاتەی: فیدان - ڕەشید
یاگێ جە ئەڏایبییەی: عەفرین
یاگێ و کاتو گەشمەرڏە بییەی: هەرێمو عەفرین- شێراوا/ ٢ی کانوونو یوەمی ٢٠٢٤
*
ناسنامۍ: پڵنگ عەفرین
نامێ و دما نامێ: عیسام عیسا
نامێ ئەڏۍ – تاتەی: ئەمینە - مەنان
یاگێ جە ئەڏابییەی: عەفرین
یاگێ و کاتو گەشمەرڏە بییەی: هەرێمو عەفرین- شێراوا/ ١ی کانوونو یوەمی ٢٠٢٤
*
ناسنامۍ: ڕستەم عەفرین
نامێ و دما نامێ: هۆرۆ کێلۆ
نامێ ئەڏۍ – تاتەی: ئاسیا - دەروێش
یاگێ جە ئەڏابییەی: حەلەب
یاگێ و گەشمەرڏەبییەی: هەرێمی عەفرین- شێراوا/ ٢ی کانوونو یوەمی ٢٠٢٤
*
ناسنامۍ: تەلال بلبل
نامێ و دما نامێ: وەحید سەفەر
نامێ ئەڏۍ – تاتەی: فیدان - محمەد
یاگێ جە ئەڏابییەی: عەفرین
یاگی و کاتو گەشمەرڏە بییەی: هەرێمی شەهبا/ ٢ی کانوونا یوەمی ٢٠٢٤
*
ناسنامۍ: زنار ئامەد
نامێ و دما نامێ: موسا کۆرجی
نامۍ ئەڎۍ – تاتەی: شەهناز - محمەد
یاگێ جە ئەڎابییەی: هەرێمی عەفرین- شێراوا/ ٢ی کانوونو یوەمی ٢٠٢٤
*
ناسناۍ: زنار عەفرین
نامێ و دما نامێ: محمەد بەکر
نامێ ئەڏۍ – تاتەی: ئەسوم - سەلاح
یاگێ جە ئەڏابییەی: حەلەب
یاگێ و کاتو گەشمەرڏە بییەی: هەرێمی شەهبا/ ٢ی کانوونو یوەمی ٢٠٢٤.
