کارواو ئاکەپەی کە کاندیدو نسێبینو ئاکەپەی محەمەد چەلیکش گێرتەبێ وێ بە بەرزکەرەیۆ نیشانێ وەرگە بۆرەکا گەل و پیشەوەرێشا هەراسانێ کەردێ و چەکشا وەنەو خەڵکی ورکێشت. پێسە پشێویی کەوتۆ و هەڵای بەردەوامیچا.
کارەوانو ئاکەپەی ئاما دلێ بازاڕو ناوەندو نسێبینی مێردیننە، ئەندامێوەشا وەختوو ویەردەیشانە نیشانێ وەرگە بۆرەکاش بەرز کەردۆ و گەلو دلێ بازاڕەکەیش هەراسان کەرد، چێگەوە گەل کاروانەکەو ئاکەپەیش مردنا. ناستشا کارەوانەکەو ئاکەپەی بویەرۆ، درووشمو "هەدەپە، هەدەپە"ی و "بە مدرامان سەرێ گنمێ"یشا بەرز کەردۆ. دمایی کەسێوی تەر کارەوانەکەنە وەستەرە و چەکش وەنەو گەلی وەڵاتپارێزنی کێشت.
کاندیدو شارەوانیی ئاکەپە، محەمەد چەلیک سەیارەکەشنە وەستەرە و سووکایەتی و هەڕەشێش وەنەو گەلی وەڵاتپارێزنی کەرد، کەچی پۆلیس حیچ هەڵوێستێوەش نەبێ. بەپێچەوانەوە پارێزگارییشا جە محەمەد چەلیکی کرد و مەیدانەکەنە دوورشا وستۆ.
دماو دووروستەیۆ چەلیکی مەیدانەکەنە، پۆلیس بە گازی هەڵسمج تند هجوومشا کەرد سەرو خەڵکی، دوکاندارێ بۆنەو کاریگەریی گازەکەیۆ سەرشا، بەرەو دوکانەکاشا وستەرە.
جەماوەر جادەکانە وەڵێ بێیوە و چالاکییەکێ نسێبیننە بەردەوامێنی.
