دەربارەو هامسەرۆکۊو شارەوانی سێرتی سۆفیا ئاڵاگاشۍ، کە ۋەرو هەرمانەی ڕۆنامەنویسی بە تۆمەتو 'ئەندامیەتی ڕێکوستەی' دۆسیەش پەی کریاوە و جە ئەنجامو دۆسێیەکەینە ٦ ساڵۍ و ٣ مانگۍ سزاو زینانی کەردەیش سەرەرە سەپێنرا. بەم بڕیارە بۆ ٨ شارەوانی کە دەم پارتی لە هەڵبژاردنی ناوخۆیی ٣١ی ئادار بە دەستی هێنا، قەیوم سەپیا. پا ٢ شارەوانییەو جەهەپەی کە قەیومشا سەرەرە سەپیان ژمارەو سەپنای قەیومی مەبۆ بە ١٠ سەپنایۍ.

جە ١٣و کانوونو دووەمینە دماو ئانەی کە قەیوم سەرو شارەوانی ناوچەو ئاکدەنیزو مێرسینیرە سەپیا، گەل جە دژش ئەرەپڕۍ، ناڕەزایش نیشانەدا و گرڎ چوارشەممێوە چالاکی "ئێشکگیری جە دژو قەیومی" ئەنجام مڎۆ. چنی پەرلەمانتاراو دەم پارتی مێرسینی و ئەندامەو دەسەو واتەواچەو پارتو ئازادی گلېرگەو (TOP)ی پەریهان کۆجایۍ هەم سەرو ئەرەگیری چېرو نامۍ قەیوم سەپناینە سەرو سێرتی، هەم سەرو ئێشکگیری جە دژو قەیومەکا قسېما کەردۍ.

'ئینە یەرەمین جارا کە مافو دەنگدای و هۊرچنیەی پاشێل مکریۆ'

پەرلەمانتارەو دەم پارتی مێرسینی پەریهان کۆجایە، ئاماژەش پانەی کەرڎ کە دوۍ یەرۍ هۊرچنیۍ دلېینۍ کۊتیمۍ سەردەمی یەرەمینو سەپنای ئەرەگیری بە نامۍ قەیومیوە و واتش:  "ئی یەرە دەورە هەوڵمڎا کە وڵاتی بە میکانیزمو کودەتای ڕاوەببەرا کە چنەشەنە مافو گەلی دەنگدەری و هۊرچنیەی حسابش پەی نمەکریۆ و یاساو دژمنایەتی چنی گەلی بەشێوێوە سیستماتیک بەردەواما".

'گەل ئیتر حەقەتینەو قەیومی عال مزانۆ'

پەریهان کۆجایە ئاماژەش پانەی کەرڎ کە گەل حەقەتینو قەیومی ئەرەگیری عال مزانۊ و واتش: "گەل ئی حەقەتینیە بە ئاشکرا مزانۆ؛ قەیوم نەک تەنیا دەسسەرەرەگېرتەی مافو گەلین کە دەنگش دان، جە هەمانکاتەنە تاڵانییا. گەل مزانۆ کە دزی مکەرا و  سەرچەمەکا گەلی دەسسەرەرە مگېرا. ۋەرو ئانەیچ ناڕەزایی فرە دلۍ گەلینە هەن".

'پەنەوازش بە ئەوەکۊشایۍ هامبەشی هەن'

واتیچش: "دۊڵەت هیچ چېوێش نەمەنەن پەشتیش پنە بینۆ جگە جە تنوتیژی. بە زانای ئانەی کە شکس مارۆ، پی هۆشیارییۆ هرووژم مکەرۆ. ئاشکران کە جابەجێکەردەی قەیومی بەردەوام بۊنە. جە لېوە گفتوگۆکەردەی سەرو 'چارەسەر'ی کە جە دماو ١و ئۊکتۊبەریۆ دەسش پنەکەرڎەن و جە لېوەتەریچۆ سیاسەتو جەنگی، قەیوم، فشاری هەرمانە پنە مکەرۆ. گەل دژو ئینەی بە شێوێوە بە هێز ناڕەزایی ۋێش بەربڕۆ. چونکی ئارۆ پەنەوازیما بە ئەوەکۊشایۍ هامبەشی هەن سەرو بنەماو مافو ژیۋای. ئارۆ جە لێوە ڕۆنامەنوویسۍ زینانیۍ مکریا، جە لېوەتەرۆ پارێزنەرا زینانیۍ مکریا".

پەریهان کۆجایە جە دما دمایی قسەکاشەنە ئاماژەش پانەی کەرڎ کە ئارۆ بە بەهانۍ جیاوازیوە قەیوم سەرو شارەوانی سێرتیرە سەپنانە و واتش: "ئەر هێڵۊ و بەرەی هامبەشو ئەوەکۊشای بنیاڎ نەنیەیمۍ، بە تەمامی مافە ژیۋاییەکاما دەسشا سەرەرەگیریۆ و ڕژێمو تورکی ستاتۆ بە دەس مارۆ. پەنەوازا جە دژو ئانەی یۆگێرمۍ و ئەوەکۊشایۍ بەهێز بکەرمۍ. پېوەس پینەیۆ بانگەواز جە گرڎو گەلەکەیما مکەرمۍ کە بەشداری ئی ئێشکگیرییا با و ئیرادەو ۋێشا پارێزنا"