هەورامییەکێ پەشتیوانی جە داواکاری وەزیرو ڕۆشنویری مەکەرانێ
دماو ئانەی حەمەو حەمەسەعیدی وەزیرو ڕۆشنویری داواش جە وەزارەتو پەروەردەی کەرد زوانی هەورامی بوانیۆنە، هەورامییەکێ بەفراوانی پەشتیوانی جە داواکاریەکەیش مەکەرانێ.
جە ڕێکەوتو ٣٠ حوزەیرانو ساڵەو ٢٠٢١ی، حەمەو حەمەسەعیدی وەزیرو ڕۆشنویری ھەرێمو کوردستان بەنوسیای ژمارە ٤٦، بە فەرمی داواش جە وەزارەتو پەروەردەو هەرمێو کوردستانی کەرد؛ تاوەکو زوانی هەورامی جە پارێزگاو هەڵەبجەیەنە بوانیۆنە.
دواکاریەکەو وەزیرەکەی کاروەدای جۆربەجۆرێش شۆنیەرە ئاومێ.
جە ئی چوارچوەنە، هەورامییەکێ بەفراوانی و بەشێ جە پێکئامایەکانو کوردستانی پەشتیوانیشان ونەکەرد و وازیارێنێ وەزارەتو پەردەوەو هەرێمی بەزوویی وەڵامو داواکاریەۆەی بڎۆنەوەو قبوڵش بکەرۆنەو ڕاکارەکان پەی وانای هەورامیجە؟پارێزگاو هەڵەبجەیەنە بگێرۆنەوەر.
هەرپاسە جە ئی بارەوە ڕێکوزیاو وارانی کە ڕێکوزیایێوەی چەترئاسان و چەنڎین ڕێکوزیێ و دەستگایێ هەورامیێ جەوێش مەگێرۆن، ئەرەیاونایێوش دان و ئاشکراش کەردەن: ڕیکوزیاو وارانی ھامکارو پشتیوانی ھەر ھەنگامیوی مەکەرمۆنە کە بە نیەتو پارێزنای زوان و فەرھەنگ و کلتورو میللەتو کوردی بۆنە و پێسەو ڕێکوزیاکەیمان پەشتیوانی جە دواکاریەکەو وەزیرو ڕۆشنویری مەکەرمێ.
