هیوسدن زۆلدەرنە هەرێمو لیمبورگو بەلژیکاینە کوردێوە سەیارەکەشۆ هێماو سەرکەوتەیش بەرزە کەردۆ و بڕێو نەژادپەرسێ بەنیازێ کوشتەیش پەلامارەشا دا، کەچی وەنەو کوردەکەی پەرسیاوە.
بە قسێ میدیایەکاو بەلژیکای، دمانیمەڕۆو ڕۆو دووەشەممەی، شارو هیوسدن زۆلدەرینە ڕوودایێوە تازە ڕووەش دێنە، پۆلیس و میدیاکێ سەروو هەوڵێ پەلامارا و تیرۆرکەردەی نەژادپەرسانەکەی وەنەپەرسایۆشا نەکەردەن، کەچی ڕووەو تیرێشا کەردینە ئا کەسەیە کە دلێ سەیارەکەیشۆ هێما سەرکەوتەیش بەرزە کەردێبێوە.
زانییان دماو بەرزکەردەیۆ هێماو سەرکەوتەی، نەژادپەرسەکێ کوێ بیێنێوە و هجوومشا کەردەن سەروو سایەقەکەی و تندوتیژی جەستەییشا وەراوەر کەردەن.
ئەرەیاونیا پۆلیسەکاو مەنتێقەکەی جیای ڕاگێرتەی وەنەو نەژادپەرسا، ماوێوە سایەقەکەشا گێرتەن، پۆلیس سکاڵێوە ڕسمییەشا سەروو سایەقەکەی ئامادێ کەردە و ڕوانەو دادگایش مکەرا.
٢٤ ئادارینە شارو هیوسدن-زۆلدەرینە چند کوردێوە، کە فرێشا خەڵکو وەرنیشتی بێنێ، لاو نەژادپەرساو ئاکەپە و مەهەپەیۆ ڕووبەڕووێ هجوومی بیێوە. هجوومەکەنە هەڕەشێ سۆچنای وەنەو دەیان هاموەڵاتا کریا و چند کەسێوە بریندارێ بیێ، دۆخی تەندروسیی کەسێوەشا خراپا.
