"بەسێ هۆزات"ە، هامسەرۆکەو دەسەی ۋێڕاوەبەری کەجەکەی، باسش جە گرنگیی ھورچنیاکا ١٤و ئایاری پۍ گەلوو کورڎی و گەلوو تورکیای کەرڎ و ئەرەیاۋناش، قەرارما دان حەتا دماو ھورچنیاکا ۋەردەوامۍ بیمۍ جە مرڎناو چالاکییەکا.
"بەسێ هۆزات"ە، هامسەرۆکەو دەسەی ۋێڕاوەبەری کەجەکەی، باسش جە گرنگیی ھورچنیاکا ١٤و ئایاری پۍ گەلوو کورڎی و گەلوو تورکیای کەرڎ و ئەرەیاۋناش، قەرارما دان حەتا دماو ھورچنیاکا ۋەردەوامۍ بیمۍ جە مرڎناو چالاکییەکا و دماو ھورچنیاکا سەرجە نۊ ئاژەکەی ھورسەنگنمێۋە.
"بەسێ هۆزات"ە، هامسەرۆکەو دەستەی ۋێڕاۋەبەری كۆما جڤاكێن كوردستان- كەجەكەی، جە میانی بەشداریکەرڎەیش جە بەرنامێۋی تایبەت بە تەلەڤزیۆنو میدیا هابەریەنە سەبارەڎ بە قەرارو مرڎناو چالاکی سەروازی، کە دماو بوومەلەرزەکەو سەرنیشتوو کوردستانی و تورکیای جە ٩و شوباتی ئەرەیاۋنابێش و، ۋاتش:" سەربارو ئا قەراریە دەوڵەتو ترکی نەک جەنگ و ھجومەکېش نەمرڎنۍ، بەڵکم بە گرڎو هێزیشۊ ھجومەکېش زیاتەر کەرڎۍ و هەڵوێسێۋی پی جۆرە دوژمنکارانەش نیشانە دا.
ئاماژەش پانەی کەرڎ، جە ڕاسینە پی قەرارو مرڎناو چالاکییە ڕووەو ڕاسی دەوڵەتی فاشیستو، قڕکەرو، ئەرەگیرکەرو، تاڵانکەر جارێۋیتەر بەڕۊشنی بەرکەوت و ماسکو سەرو ڕوخسارو دەوڵەتی ماڵیارە و قەرارو مرڎناو چالاکی پی جۆرەیە دریا، جە ئیسەیچنە جەنگەکە بێ مرڎای ۋەردەواما.
"بەسێ هۆزات"ە ئاشکراش کەرڎ، سەرەڕاو ۋەردەوامی ھجومەکا و بە مەڵامەتو ئانەی تورکیا و سەرنیشتوو کورڎسانی پایێشا وستێنۍ قۆناغو ھورچنیایۊ، کە جیاواز جە ھورچنیاکا ۋەڵینی قۆناغێۋی گرنگ و هەستیارا و دەسەڵاتو فاشیستی ترکی بەرەو وڕای بەرۊ، حەر چا ڕووانگۊ و سەرو ئا بنەمۍ قەرارشا دان، مرڎناو چالاکییەکا چی قۆناغەو ھورچنیاکانە حەتا ۋەختو ھورچنیاکا ۋەردەوام بۊنە و دماو ھورچنیاکا سەرجە نۊ ھورسەنگنای پۍ ئاژەکەی مکەراۋە و هەڵوێسو ۋێشا پۍ ڕایگرڎی ئاشکرا مکەرا.
هامسەرۆکەو دەستەی ۋێڕاۋەبەری کەجەکەی جە هەمان ۋەختەنە ئانەش وست ڕوۋەو ۋاتش، جە فرەو مەنتیقەکانە ئا ھجومۍ ۋەردەوامێنۍ، جە لاو ۋەرنیشتیچۊ ئاژەکە پی جۆرەنە، پۍ پانیشتی و سەرنیشتیچ ئاژەکە پی جۆرەنە، ھجومەکۍ ۋەردەوامۍ با، بە مەڵامەتو قەرارو مرڎناو چالاکییەکاوە، مەبۊ هێزەکې گەریلایما بە حیچ جۆرۍ کەمتەرخەمی برمانا، ئەشۊ گەلەکەما جە حیچ مەیڎانێنە کەمتەرخەمی نەرمانۊ، ئەشۊ بە بەقوەتەرین شێوە جوابی بەقوەت بە ھجومەکا بڎریۊۋە، قەرارو مرڎناو چالاکی ۋەردەمو ئانەینە ڕاگیر نییا، ۋەرو ئانەی دەوڵەتو ترکی فاشیستی بە گرڎو هێزیشۊ ھورکوۊنە سەرما، جە گرڎ یاگېۋە ھجومی فرە دژوار ئینا ئارانە، جە گرڎ یاگېۋە دەوڵەتو ترکی ھجوم کەرۊ.
ھۊزاتە ۋاتش؛ جە ۋەران ۋەرو ئا ھجومانە، جە دژو گرڎ چەشنە ھجومېۋەنە گەریلایچ عالتەرین جەنگ، عالتەرین ئەرەکۊشای و مدرامان کەرۊ، ئی مژارە بە دڵنیایۊ سست بیەی ھورمەگێرۊ، بەڵام بەتایبەتی چی قۆناغو ھورچنیەینە یەکینە سەروازییەکێما جە شارەکانە، بە حیچ جۆرۍ چالاکی ئەنجام مەڎانە، جە پرۆسەو ھورچنیەینە پېسە من ۋاتم، قۆناغو مرڎناو چالاکی ۋەردەوام بۊ، دماو ھورچنیاکا سەرجە نۊ ئاژەکەی ھورسەنگنمێۋە.
من جارێۋیتەر گەرەکما واچو، ئەشۊ هێزەکۍ گەریلایما و گەلەکەیچما ئا چڕیەو قەرارگەی ناوەنڎیما بۋینا و گۊشش ۋنە گېرا، جە گرڎ یاگېۋە ئەشۊ ئاماڎێبا ، ۋەرو ئانەی ئی دەسەڵاڎ دارییە فاشیستیە جە پاو ئانەی کە نەدۊڕنۊش ھجومەکاش زیاتەر کەرۊ، عال پانەی مزانمۍ، جە ۋەران ۋەرو ئانەیچ هەڵوێستو، ئەرەکۊشای و مدرامانی بەقوەت نیشانە دریۊ، بەقوەتەرین جواب دریۊۋە، چی مژارنە حیچ دووەدڵیۍ بیەیش نیا، ئەشۊ گرڎ کەسۍ پی جۆرە یاۋۊنە.
پېۋیسا داواو ژەنا پەشتگۊش نە وزیۊ
هامسەرۆکەو دەستەی ۋێڕاۋەبەری کەجەکەی ۋاتش:" جە ئېراننە چنڎین مانگېن سەرھوردای ھەن. بە ۋەڵێۋەبیەو ژەناو دروشمەو ''ژەنی، ژیای، ئازاڎیی'' فاڕیان پۍ داواکاری گلېرگەی پۍ دیموکراسی، ئازاڎیی، داڎپەروەری و یەکسانی. دروشمەکۍ بیە بە خۊتان مەعنېۋە پی جۊرەیە. داواکەرڎەو ژەنا بی بە داواکەرڎەو گرڎو گلېرگەی. بە راسی جەمەو ژەنا ۋەڵێۋەبیەی ئەرەکۊشای کۆمەڵایەتی، جمیەری کۆمەڵایەتی و مدرامان جە ئێراننە مکەرا. پی جۊرە داواو ژەنا پۍ ئازاڎیی پۍ چېۋێۋە فاڕیان جە گلېرگۊ ۋیەرۊ. ئینە فرە گرنگ و مانادارا. حەرپاسە ڕژێمیچ فشارۍ فرۍ و تنوتیژیێش ئەنجامدێنۍ. مدرامان ۋەردەواما. رژێم پۍ ماڕاو ئی مدرامانیە، پۍ ماڕاو ئیراڎەو ژەنۍ، رۆ دماو رۆی زەحمەتی فرەتەر ۋینۊ. ۋەرو ئانەی جەمەو ژەنا ۋەڵێۋەبیەی پۍ ئی گرڎو مدرامانەیە مکەرا. بی بە هێزو ۋەڵێۋەبیەی مدرامانی کۆمەڵایەتی. بی بە هێزۍ خوڵقنەر، بی بە هێزو کۆکەرڎەیۊ. پۍ مرکنایرەو ئیراڎەو گەلیچ، رژێم ھجومو، تنوتیژی و فشارەکېش زیاڎۍ کەردێنۍ.
جە ئێراننە روەدای ژەعراویکەرڎەی بیەن بە ئیخبارو ڕۊی. ئەرەیاۋیا کە زیاڎ جە ٥ هەزار کناچە خۊنکارا ژەعراویۍ بیێنۍ. شەرمەسارش مکەرو. جە یاگۍ ئانەی ھەرمانۍ پی جۊریە و ھجوم جە ۋەران ۋەرو ژەنا ئەنجام بڎریۊ، پێویسا دەسەڵات و رژێم داواکەرڎەو ژەنا بۋینا. پێویسا داواکەرڎەو گەلی، داواکەرڎەو گلېرگەی بۋینا. پێویسا چەمەکاش کەرۊۋە، گوشەکاش بکەرۊۋە و هەنگامەش بنیۊ. گەل ئازاڎیش گەرەکا. دیموکراسیش گەرەکا، داڎپەروەریش گەرەکا، یەکسانیش گەرەکا. گرڎو هەرێمەکا، گرڎو گلېرگەکا جەهانی، گرڎو گەلا ئینەشا گەرەکا. ئێران مەتاۋۊ ئیتر جە ۋەران ۋەرو ئی داوایانە ۋێش گېرۊنە. ئەرەکۊشای ۋەردەوام بۊ. بێگۆمان فشارەکېچ ۋەردەوامۍ با. بەڵام جە دماینە ناچارۍ با کە ئی راسیا بۋینا و چارەشا بکەرا.
بە راسی حیچ هێزێۋە مەتاۋۊ جە ۋەران ۋەرو ئانەینە ۋێش گېرۊنە. جەمەو ژەنا دلۍ ئاکەپەیچ رۊ دماو رۊی جە تورکیانە کاردایۊ نیشانە مڎا. جە دلۍ گلېرگەو تورکیاینە نارەزایۍ فرە جددی هەن. نە تەنیا ژەنا کورڎی، ژەنۍ تورکیایچ خۊتان هەڵوێس و نارەزایی فرە جددیێنۍ. بە فشار، تنڎوتیژی و هەوڵدای پۍ ماڕاو ئیراڎەی، مەتاۋۊ، راگیری جە داواکاریەکا ژەنا و گەلا پۍ ئازاڎیی، دیموکراسی، یەکسانی و داڎپەروەری گېرۊ. ئینە پۍ گرڎو دەسەڵاتەکا راسا."
ھ.ش
