فەرماندەو گرڏی هێزەکا ئاسایشو دلینەو هەرێمو سەرنیشتوو و وەرکەوتوو سووریای دەربارەو هرووژمەکا دۆڵەتو تورکی ئەرەگیری سەرو دەگاو ئاشمێ ئەرەیاونێوەش وەڵاکەردۆ.

ئەرەیاوناکەس پی جۆرەنە:

"فرۆکە جەنگییەکێ دۆڵەتو تورکی ئەرەگیری ۆو شەممەی (١و شوبات) ی جە دەگاو ئاشمێ کۆبانێ یانێوە مەدەنیش بۆمبواران کەرد. جە ئەنجامو بۆمبوارانەکەینە ٧ زاڕۆڵێو و ٢ ژەنێ و پیێوە زامڏارێ بیێ. ئی هرووژمێ پاشێلکەردەو گرڏو یاسا و پێوانە مییاننەتەوەییەکانێ جە پارێزناو هاموڵاتیی مەدەنیێ جە کاتو جەنگینە. ئی تاوانە دڕندانا بە تنی شەرمەزار مکەرمێ. جەخت مکەرمێ کە پابەندو پارێزناو گەلەکەیما و مافەکاما بیمێ. جە هەمان کاتەنە داوا ئاراستەو گلێرگەی مییاننەتەوەیی و ڕێکوزیا مرۆییەکا مکەرمێ کە وەرپرسیارەتی وێشا بە جێ بارانە و پەی مردناو ئی پاشێلکارییا فشار وسا سەر دۆڵەتو تورکی. ئاشتیی و دادپەروەری مافێوە ڕەواو گەلەکەیمانە. جە ئەوەکۆشای و مسۆگەرکەردەو ئارامی و سەلامەتی گەلەکەیما بەردەوامێ بیمێ.