سۊزان مێرڎینە یوە جە فەرماندەکاو یەژا ستاری میانەو مەبرەکباییەکەی مەتینانە قسێش کەرڎۍ، سۊزان مێرڎینە  قسەکاشەنە سەبارەت بە ٢٧و تشرینوو دووەمی بە بۊنەو ساڵڕۊو ئەرەمەرزنای پەکەکەیۊ مەبارەکباییش وەنەو سەرجەموو ئازادیوازا و بەتایبەت ڕابەروو گەلوو کورڎی عەبدوڵا ئۊجالانی کەر.

سۊزان مێرڎینە ئەرەیاوناش، ڕاپیمای ئازادی جە کەسایەتیی حەقی قەراریوە دەسش پەنە کەرد و ئاماژەش پانەیە دا، کە ڕابەروو گەلوو کورڎی عەبدوڵا ئۊجالان پەکەکەش پێسە پێویستیێوە و لایەقبیەیێوە پەی گەشمەرڎەکا ئەرەمەرزنا و واتش:"ئی پەرسۍ نەک پەرسێوە ئاساییەنە. ئی پەرسۍ بە ونەو گەشمەرڎا گەورەتەرە بیێنە. سەیەو گەشمەرڎانە بییەیمۍ بە پارتێوە ڕێکوزیای و لەشکرێوە ڕێکوزیا. گرڎوو ئی دەسکەوتا بە باوڕێوە بەرز و بەدیلێوە فرەوە دەس ئامێنۍ."

'بناغەو پەکەکەی بەپاکی نریارە'

سۊزان مێرڎینە باسوو ئانەیچش کەرڎ، پەکەکە قەت لاواز نەبییەن، تا مۍ قەوەتتەر  بۊ و ماچۊ:"چونکە پەکەکە چەنی گەلەکەیش ئامێتە بییەن.  پەکەکە پەی گەلاو بندەسی وەش بیەن. سەیەو پەکەکەینە، ئیساتۍ گەلەکەما وێش ئشناسان، پێسە گەلێوە بندەسی ئی دۊخەشە قبووڵ نەکەرڎەن و ڕوانە جادەکانە پەی ورگێرتەی مافەکاش ئەرەپڕۊ و پەیشا مایۍ شانازیین."

سۊزان مێرڎینە ڕۊشنش کەرڎۊ، کە گەریلاکاو ئازادی کورڎستانی دەنگوو گەلوو کورڎستانی مژنەوا و تا دمایی بڕواشا چانێنە گەل پەشتیوانیی گەریلای و عەبدوڵا ئۊجەلانی کەرۊ و واتش:"ساڵڕۊو ئەرەمەرزنای پەکەکەی وەنەو گەلەکەیما و گرڎوو هامڕایاما سەنگەرەکاو وەڵۍ مدرامانیوە مەبارەک کەرمۍ."

دماو وتارەکەو سۊزان مێرڎینۍ، گەریلاکۍ دروشموو "بژیوۊ سەرۊک ئاپۊ" و "بۍ سەرۊکی ژیوای مەبۊ"یشا واتێوە. دماتەر گەریلێکۍ بە سەما و زەماوندە ساڵوەگێڵوو ئەرەمەرزنای پەکەکەیشا مەبارەک کەرڎ.