هێزەکاو رزگاری عەفرینی حەقەشا کەرڎۆ: ٢٤ ئەرەگیرۍ دۆڵەتو تورک کوشیۍ
ئەرەیاۋییا کە جە چالاکییەکاو هیزەکاو رزگاری عەفرینینە ٢٤ ئەرەگیرۍ دۊڵەتو تورکی کوشیێنۍ، کە دوێشا سەروازۍ تورکیاینۍ، هەرپاسە ١٣ سەروازۍ تورکی و چەتۍ ئەرەگیرێچ زامڎارۍ بیێنۍ.
هێزەکاو رزگاری عەفرینی ئەنجام و زنجیرێوە چالاکییاشا جە دژو سوپاو تورکی ئەرەگیری و چەتەکاش وەڵاکەرڎۆ.
ئەرەیاۋناکەی پی جۆرەنە:
"دۆڵەتو تورکی ئەرەگیری بە شێوێوە نامەردانە ۋەروچەما دنیێوە پەلامارەو گەلەکەیما مڎۆ، ڕاوەبەرا و سەرمەشقا شۆڕشی مکەرۆ ئامانج. جە ۋەرا ۋەرو ئا هرووژمانە زنجیرە چالاکیێوە ۋەرپەرچدایۆ و حەقکەردەیۆ گەشمەرڎا ماوەکا ۋییەردەیما بەردەوامێنۍ، بەتایبەتی پەی حەق کەردەیۆ گەشمەرڎا زەلال، مەزڵوم، دیار و ئالافی جە هێڵۊو بابی، مارع، عەزاز، شەرا ی و شێراوای چالاکیۍ ئەنجامدریۍ.
چا چوارچێوەنە؛
ڕۆو ٩و ئەیلولی جە هێڵۊو عەزازینە جە چالاکیێوە تایبەتەنە ٢ چەتۍ ئەرەگیرۍ کوشیۍ.
ڕۆو ١٠و ئەیلولی جە چالاکیێوە هۆرکوای سەرینە جە هێڵۆو بابینە جە ۋەرا ۋەرو گروپە چەتە ئەرەگیرەکانە، ٣ چەتۍ ئەرەگیرۍ کوشیۍ و ٤ چەتێچ زامڎارۍ بیۍ. هامکات چا چالاکیەنە ترۆمبێلێوە کە دۆشکێش سەرۆ بۍ دلێنەبریا.
ڕۆو ١١و ئەیلولی جە هێڵۊو شەراینە جە ئاکامو چالاکیێوە تایبەتینە ١ سەروازو تورکی ئەرەگیری کوشیا و هەرپاسە چا ڕووەنە جە مارعەنە بە چالاکی نیشانەماڕۍ چەتێوە کوشیا.
ڕۆو ١٧و ئەیلولی هێزەکێما چالاکی هۆرکوای سەرشا جە هێڵۊو عەزازینە دژو گروپە چەتە ئەرەگیرەکا ئەنجامدا. چا چالاکییەنە ٥ چەتۍ ئەرەگیرۍ کوشیۍ.
ڕۆو ٢٣ۍ ئەیلولی جە هێڵۆو عەزازینە جە چالاکی نیشانەماڕێنە چەتێوە ئەرەگیر کوشیا.
ڕۆو ٢٣ۍ ئەیلولی جە هێڵۆو بابینە جە چالاکیۍ تایبەتەنە ٢ سەروازۍ دۆڵەتو تورکی زامڎارۍ کریۍ.
ڕۆو ٧و ئۆکتۆبەری جە هێڵۆو شەراینە جە چالاکی نیشانەماڕینە چەتێوە ئەرەگیر کوشیا.
ڕۆو ٨و ئۆکتۆبەری جە چالاکیێوە تایبەتەنە جە هێڵۆو بابینە سەروازێوە دۆڵەتو تورکی ئەرەگیری کوشیا و ٢ سەروازێچ زامڎارۍ بیۍ.
ڕۆو ٩و ئۆکتۆبەری جە هێڵۊو مارعینە جە چالاکیێوە تایبەتەنە ٢ سەروازۍ تورکی ئەرەگیری زامڎارۍ بیۍ. جە هەمان ڕۆنە جە هێڵۊو شێراواینە هێزەکێما جە ڕاو تیمە پسپۆڕەکاوە لوۍ دلۍ مۆڵگە و خێمەکا ئەرەگیرا. بێ ئانەی هەستشا پنەبکریۆ، هێزەکێما بە نارنجۆک و چەکی سوک بە شێوێوە کاریگەر جە ئەرەگیرا و مۆڵگەکاشا دا، مۆڵگەکۍ و چەکێوە دۆشکۍ ١٢ و نیمە دلێنە بریۍ و هەرپاسە هەڤاڵاما لوۍ سەرو تەرمو ئەرەگیرا و دەسشا سەرو چەکی و کەلوپەلە سەروازییەکاشارە گېرت. جە ئاکامەنە ٩ ئەرەگیرۍ کە یۆشا بە نامۍ نادر حەسەنی جە فەرماندەکاو چەتەکا فەیلەق شامی بۍ، کوشیۍ و ٣ چەتۍ ئەرەگیرێچ زامڎارۍ بیۍ. هامکات چا چالاکیەنە؛ ٢ چەکۍ ئەی کەی ٤٧، ٦ مەخزەنۍ ئەی کەی ٤٧، بڕێ تەقەمەنی، رەختێوە ئەی کەی ٤٧، فلاشۍ و کارتۍ .. دەسشا سەرەرە گیریا.
جە ئاکامو ئا چالاکیامانە، ٢ سەروازۍ دۆڵەتو تورکی ئەرەگیری و ٢٢ چەتۍ ئەرەگیرۍ کوشیۍ و هەرپاسە ٦ سەروازۍ تورکی ئەرەگیری و ٧ چەتۍ ئەرەگیریچ زامڎارۍ بیۍ".
