ناوەندوو پەیوەندییەکاو هێزەکاو ئاسایشوو دلێ سەرنیشت و وەرکەوتوو سوریای سەبارەت بە گەشمەرڎەبییەی جومعە حسۆی، ئەرەیاوناێوەش وەڵا کەرڎۆ.

دلێشەنە ئاماژە پانەی کریان، ئەندامێما بە نامێ جومعە حسۆی جە هێزەکاو ئاسایشوو دلێنە بە جەڵتەو دڵی وەختوو پۆڕنای هەرمانێ مەبارەکێشنە پەی وەڵاتی و گەلەکەیش گەشمەرڎە بییەن.

ئەرەیاونایەکەینە ئامان: "گەشمەرڎە جومعە یۆ بێ جە دێرینتەرین ئەنداماو هێزەکاو ئاسایشوو دلێ، بە گردوو قوەو وێشۆ هەرمانەکاش کەرێ، چی ڕێبازەنە وەشەسیای وەڵاتەکەیش دڵشەنە ورگێرت و کەسێوە دڵسۆز بێ، گەشمەرڎە جومعە حسۆ، بە گردوو دڵسۆزی و یارایشۆ هەرمانەکاش کەرێ تا یاوا ئاستوو گەشمەرڎەبییەی".

بەپاو ئەرەیاونایەکەی، شناسنامەو گەشمەرڎەی پێسنەن:

نامێ و دمانامێ: جومعە حسۆ

نامێ تاتەی: عوسمان

نامێ ئەدێ: فاتمە

یاگێ و بەرواروو بەشداریکەرڎەی: عامودێ ١-٦-٢٠١٢

یاگێ و بەرواروو گەشمەرڎەبییەی: عامودێ ٤-١-٢٠٢٤