هێزەکاو ئێرانی ٤ کۆڵبەرېشا زامڎارۍ کەرڎۍ
جە ئاکاموو هجوموو هیزەکاو ئێرانینە پۍ سەروو کۆڵبەرا ٤ کۆڵبەرۍ زامڎارۍ بیۍ.
بە پاو هەواڵەکا کۆلبەرنیوزی، جە ئاکاموو ٤ هجوما جیاوازوو هێزەکاو ئێرانینە جە ۋەرکەوتوو کوردسانی ٤ کۆلبەرۍ زامڎارۍ بیۍ.
ئەرەیاۋیان کە جە ئاکاموو تەقەکەرڎەی هێزەکاو ئێرانینە، فەردین نازداری عمر ٣٣ ساڵ بە سەختی پېکیان.
ئا کۆڵبەرەی کە فاڕیانۊ پۍ خەسەخانەی بۍ هۊشا و ئاژەی تەندروستیش سەختا.
ئەرەیاۋیان کە حەبیب ڕەجایی عمر ٥٢ ساڵ خەڵکوو شاروو جوانڕۆین جە ئاکاموو هجوم و هێزەکاو ئێرانینە زامڎار بیەن.
محەمەڎ کەریم نەژادی خەڵکوو بانەی و بەهرام معروفی نژادی عمر ١٩ ساڵ جە ئاکاموو هجوم و هێزەکاو ئێرانینە زامڎارۍ بیۍ.
