شارچەو (باباڕەشانی) سەر بە شارتانو بیجاڕی جە وەرکەوتو کوردستانی، ڕووبەڕوو سەردای و سەهۆڵبندانەنی بیەنەوە، بە جۆرێ جە ٥٠ ساڵێ وییەردێنە نموونش نەبییەن و چوون سەردەتەرین دەڤەرو وەرکەوتو کوردستانی و ئێرانی نامێش تۆمارە کریێنە.

پەیوەست بە بابەتەکە ڕاوەبەریی هەواشناسی سنەی ئاشکراش کەردەن: جە شارچەو (باباڕەشانی) سەر بە بیجاڕی پلەکێ گەرمای بەشێوازێوی تەرسناک وەستێنێرە و ٣٠ پلێ چێرو سفری تۆمار کریا.
هەواشناسیەکە هەرپاسە دەستنیشانش کەردەن: جە دلێ شارو (سنە)یەنە، پلەکێ گەرمای پەی ٢٥ چێرو سفری وەستێنێرە، کە نانێچە جە نیم سەتەی ویەردەنە بێنموون بییەن و جەچەنڎ ساڵێ ویەردێنە هەرگیز ٢٠ پلێ چێرو سفریش دەرباز نەکەردەن.

بە پاو ڕاوەبەریی هەواشناسی جە شارەکێ سنە، کرماشان و هەوراماناتی پلەکێ گەرمای چەنڎ شارێ و ناوچێ کوردستان و هەوراماناتی جە ٢٤ سەعاتێ ویەردێنە بە ئی جۆرە تۆمارێ کریێنۍ:

باباڕەشانی ٣٠-، سەقز ٢٧.٧-، مەریوان ٢٥.٢-، سنە ٢٥-، دیواندرە ٢٤.٥-، ھەزارکانیان ٢٤.٢-، دھێ ولان (دێ گوڵان) ٢٣.٧-، کامیاران ٢٠.٧-، یاسوکند ١٩.٣-، سروآباد ١٩.٢-، قاملو ١٩.١-، زرینە ١٧.٤-، بھارستان ١٥.٥-، آویھنگ ١٥-، بیجار ١٤.٢-، قروە ١٢.٢- و بانە ١٣.١-، کامیاران : ۲۰.۳ -، رەوانسر : ۱۸ -، کوزران : ۱۶.۴ -، جوانرۆ : ۱۲.۵ -، سلاس باباجانی : ۱۲ -، کرماشان : ۱۱.۳ -، پاوە : ۸.۶ -، سرپێل‌زەهاو : ۳.۹ -، قەسرشیرین : ۱.۲ -.