سەرچەمېوە ئەمنی ئەرەیاۋناش، سەرسەعبوو ئارۊی بە مەڵامەتوو هجومېوە چەتەكا داعشیوە جە ڕاو بێجی-حەدیسەی جە سنووروو ئەنباری یەرۍ سەروازۍ سوپاو عێراقی کوشیۍ و یۊتەریچ بە سەختی زامڎاربی.

ئاماژەش پانەیچ کەرد، سەروازە کوشیا و زامڎارەکۍ سەر بە لیواو كۆماندۆی و فەرماندەیی ئۆپراسیۆنەكا بیێنۍ و جە وەختوو ئەركەكەیشانە هجومشا کریان سەر.

سەرەڕاو بەردەوامی ئۆپراسیۆنە بەردەوامەکا پۍ رووبەڕووبیەیۆ داعشی، تا ئیسەیچ چەتەکۍ سەر پا رێکوزیایە جە عێراقەنە بەردەوامێنۍ جە جموجوڵی و جە ماوەکا ویەردەینە چنڎین جارۍ هجومشا کەردەن سەروو هێزە ئەمنییەکا.

سنووروو پارێزگاکا ئەنباری، سەڵاحەدینی و دیالەی چا مەنتیقانۍ کە چەتەکۍ داعشی فرەتەرین کردەوە و هجومشا دژوو هێزە ئەمنییەکا عێراقی ئەنجامدان.