گەلاو سەرنیشت و ۋەرکەوتوو سوریای جەژنەو ڕەمەزانیشا بە سەردای پاکڕەوا ئازاڎیی دەس پنەکەرد. سەرسەعبوو ئارۆی شارەکاو دێرک، تل کۆچەر، تل حەمیس، تل براک، تربەسیپی، قامیشلۆ، عامودێ، دربێسییە، تل تەمر، حەسەکە، شەداد، هۆڵ، دێرەزۆر، ڕەقە، تەبقە، منبج، کۆبانێ، عەفرین-شەهبا، کۊڵانەکا شیخ مەقسوودی و ئەشرەفییەو حەلەبینە جەموو گەلا سەردای قەبرسانوو پاکڕەوا ئازاڎییشا کەرد.

بنەیانەو گەشمەرڎا، کەمئەنداماو ئاخېزی و ڕاوەبەراو حیزبی و ڕێکوزیاکا و بە هەزاران کەسۍ سەردای قەبرسانوو گەشمەرڎاشا کەرد و گوڵېشا سەروو نزرگایشاوە نیارە و دوعاشا کەردە. حەرپاسە ۋەروودەم و قەبرسانەکەینە شیرینی جەژنۍ بەشکریا.