بە دەیان ئەرەنیشتێ شارو سوێدای پەی شەرمەزارکەردەو حکومەتو تازەو سووریای بە سەرۆکایەتی ئەحمەد ئەل شەرع مچیێ مێڏانەکا.

وینیشاندەرێ لافیتەو "حکومەت درێژەپێدەرو دیکتاتۆرێتیا" ‌هورشا گێرت و داواو دەستوورێوە دادپەروەرانەشا کەرد کە نوێنەرایەتی تەمامو پێکهاتەکا بکەرۆ.

چالاکێ بە نامێ خالد ئەل عەبدوڵا ئاماژەش پانەیەدا حکومەت "ناشەرعی" و "نوێنەرایەتی تەمامو گەلا نمەکەرۆ" و جەختش کەردۆ حکومەت نوێنەرایەتی بەشێوە لایەنگرا حکومەتو ئیسەی مکەرۆ. هەرپاسە واوەیش کەردۆ ئی دەسوورەی جە لایەنو حکومەتیۆ نوسریان ناساییا، گرژییەکێ وڵاتی قوڵتەر مکەرا و ناسەقامگیری سەپنۆنە.

چالاکوانێ تەر بە نامێ واسق ئەل حەناوی ئاماژەش پانەیەدا حکومەتو ئیسەی جە لایەنو چبەریۆ ملۆڕاوە و واوەیش کەردۆ دەسوور بە پاو پێوانەکا ڕژێمو وەڵینی ئەرەیاویان.