کۆن-مەد بە پەیامێوە جەژنەو ڕەمەزانیش مبارەکە کەردە.

پەیامەکەو کۆن-مەدی پی جۊرەنە:

"جەهانی ئیسلامی دماو مانگۊو ڕەمەزانی یەرۍ ڕوۍ جەژنە مبارەکە مکەرا. هومېڎەوارێنمۍ جەژنەو ڕەمەزانی بۆ بە مەڵامەتوو ئاشتی و واڵەو-برایەتی.

هێزە کۆنۆلیستەکۍ بە جەنگێوە گڵیاو سەرو وڵاتەکەیما کوردەسانی، گەلەکەیما ڕاوەبەر مکەرا، جە قڕکەردەی سیاسی، کەلتووری، گلېرگەیی و ئابووری بەردەوامێنۍ. یۆ جە گۊرەتەرین ئامرازەکا جەنگی تایبەتی هێزە ئەرەگیرەکا سەرو گەلەکەیما بە کارش مارا مژاری ئاینییا.

گەلوو کوردەسانی حەجگیز ئی جەهانە ستەمکارییەی کە بە نامۍ ئیسلامیوە بنیاڎنریان قبوڵش نەکەردەن و بە سەرمەشقایەتی فەیلەسوفی گۊرەی ڕابەر ئاپۆی عەیامېوەن پەی بەها مرۆڤایەتیەکا ئەوەکۊشایش ڕاوەبەر کەردەن.

ئامانجمانە چی جەژنێنە هەستو ئاشتی و واڵەو-برایەتی دلۍ گلېرگەینە هێقمتەر بکەرمۍ تا گلېرگە بتاوۆ جەوهەر و مانای حەقەتینەو جەژنەکا ئەزموون بکەرۆ.

پېسە کۆن-مەدی جەژنەو ڕەمەزانی جە ڕابەرو گەلو کوردی عەبدوڵا ئۆجالانی، گەلەکەیما جە چوار پارچەو کوردەسانی و جبەرو ولاتی، بنەیانەو گەشمەرڎا، هەڤاڵاما جە زینان و جە گرڎو مېڎانەکا ئەوەکۊشاینە مبارەکش مکەرمۍ. هیواڎارێنمۍ پېسە گلېرگەی سەرو خاکو کوردەسانێوە ئازادی جەژنە پێوەرە مبارەکە بکەرمۍ".