محەمەد لەتیفەجی، لە کاتێکدا سەرۆکی ناوچەی پارتی دیمۆکراسی بوو، لەگەڵ یەحیا لەتیفەجی باوکی لە ٣٠ی ئاداری ١٩٩٥ لە سامانداغ کوژران، بە ئامادەبوونی تولای حاتەم ئۆغڵاری هاوسەرۆکی دەم پارتی و نوێنەرانی پارتە سیاسییەکان و ڕێکخراوەکانی کۆمەڵگەی مەدەنی لە گوندی سوتاشی سامانداغ یادیان کرایەوە.

لە یادەکەدا پانکارت "لەتیفەجی لە تێکۆشانی ئێمەدا دەژی" و دروشمی "محەمەد لەتیفەجی نامرێ" و "بژی خوشک و برایەتی گەلان" بەرز کرایەوە.

تولای حاتەم ئۆغڵاری لە یادەکەدا قسەی کرد و رایگەیاند؛ "لە کەسایەتیی لەتیفەجیەکاندا هەموو شەهیدانی دیموکراسی و ئازادیی کە لە مانگی ئاداردا ژیانیان لەدەستدا بە رێزدارییەوە بە بیر دێنمەوە. محەمەد لەتیفەجی شۆڕشگێڕ و سیاسەتمەدارێکی گرنگی ئەم خاکە بوو. محەمەد لەتیفەجی لەلایەن چەتەی سوسورلوکەوە کوژرا، ئەو لەگەڵ باوکیدا، یەحیا لەتیفەجی پێشەنگایەتیەکی ڕاستەقینەی بۆ گەلەکەی دەکرد. ماهیر چایان و زۆرێک لە شۆڕشگێڕانی دیکەش بەم هۆیەوە کوژران، دەبێت بۆ ئەوەی ئاڵاکەیان بەشەکاوە ڕابگرین درێژە بە تێکۆشانیان بدەین، بۆیە بانگەوازی لە هەموو سۆسیالیست، چەپ و هێزە شۆڕشگێڕەکان دەکەین، تێکۆشانیان بەهێزتر بکەن."