جە شارو تەوێڵۍ سەر بە هەرێمو هەورامانی، سەدان کیلوێ یەهەر (جگەر)ی دەست گیریان سەرشەرە. 
جە ئی بارەوە ئاساییشو تەوێڵۍ ئاشکراش کەردەن: "جە دمای چەمداری و پەیجوری وردی، هێزەکێشان دەستشان گێرتەن سەرو ٩٠٠ کیلوێ یەهەری ماوە سەرشییەیەی (ئێرانی)یەرە کە بە قاچاق و نایاسایی و نادروست ئاوردە کریان".
ئاساییشو تەوێڵۍ دەستنیشانش کەردەن: "جە دمای هەماهەنگی چەنی لایەنە پزشکیێ و تەندروستییەکێ تەوێڵۍ، سەرجەم یەهەرە ماوە سەرشییە قاچاخەکەشان دلێنە بەردەن". 

تەوێڵۍ، جە یەرێ لایێوە هامسنورەنە چەنی هەورامانو ئەودیمی و وڵاتو ئێرانی و دەربازێوی سنوری فەرمیش چەنی ئێرانی هەن. جە سنورەکێ تەوێڵێنە، بە فەرمی و نافەرمی و قاچاغ ساڵانە دەیان هەزارتەنێ کەلوپەل و واردەمەنی ئاوردە و هەناردەو هەرێمو کودستانی و ئێرانی مەکەریۆن کە جە دەرنجامشەنە بڕێوی فرە پوڵ پەی حکومەتەکێ ئێرانی و هەرێمو کوردستانی فراهەم مەبۆن. تەوێڵەیەکێ وازیارێنێ بەشێو جە پوڵەکەی پەی گەشەدای و خزمەتگوزاری و پەی زیاتەر ئاوەڎان کەردەی شار و ناوچەکەیشان تەرخان بکریۆن.