ناوەنڎوو ئەرەیاۋنا و چاپەمەنی هەپەگەی پەیوەس بە ئۆپەراسیۆنی شۆڕشگێڵنیی گەشمەرڎە لەیلا ئامەڎۍکە گەریلاکاو ئازاڎیی کوردسانی جە مەتینا و سەر بە هەرێمەکا پارېزنای مەدیای ئەنجامشادان، زانیاری زیاتەرش ۋەڵاکەرڎۆ.

جە ئەرەیاۋناکەنە ئامان: "گەریلاکاو ئازاڎیی کوردسانی بە ئۆپەراسیۆنی شۆڕشگێڵنیوە گنا دلۍ ساڵیاڎوو ئەرەمەرزناو پارتەکەیما (پەکەکە)ی. گەریلاکېما بە ئۆپەراسیۆنی شۆڕشگێڵنیی پێشوازییشا جە ساڵەی تازۍ پارتەکەی و کۊشیای کەرڎ، جە شایسەو ڕاپیمای داستانوو نیم سەڎەو پەکەکەینە، بە ڕۆحی فیداکارییوە کۊشیای گەش کەرۆ. بە ڕۆحی فیداکاریی ئاپۆیی و ورەی بەرز و تاکتیکوو دۊڵەمەنڎی گەریلایەتی مۆدێرنیتەی دیموکراتیکی و بە شێوەو ڕاپیمای بەرەو سەرکۊتەی، گورزەی قورسە جە سوپاو ئەرەگیری شانا. هێزەکېما جە مەتینا ئۆپەراسیۆنی شۆڕشگێڵنیی گەشمەرڎە لەیلا سورخوێنېشا کەرڎ و ١٨ ئەرەگیرېشا سزادۍ، دەسشا گېرت سەروو چنڎین جۊرا جە چەکی و کەلوپەلی سەروازیرە. سوپاو ئەرەگیروو تورکی زەرەرەکاش مشارۊوە و میدیاو جەنگی تایبەتی تەنیا دڎانش بە یەرۍ کوشیایارە نیان. بەڵام هێزەکېما ئاشکراشا کەرڎ، لووېنۍ سەروو جەنازەو ١٢ ئەرەگیرا و بەگرڎی ١٨ ئەرەگیرۍ سزادریېنۍ".

ناوەنڎوو ئەرەیاۋنا و چاپەمەنی هەپەگەی، سەبارەڎ بە چالاکییەکاو گەریلای و هجومەکا سوپاو ئەرەگیروو تورکی، ئی زانیارییە ۋەرفراوانېشە وەڵۍ کەردۍ:

هەرێموو مەتینای

* ٢٥ و تشرینوو دووەمی، سەعات ١٩:٠٠ بە چەکی تاکەکەسی هجومکریا سەروو کۆپتەرەکا جە مېڎانوو مدرامانوو کەش و چارچەلی.

* ٢٦ و تشرینوو دووەمی، سەعات ١٧:٠٠ مېڎانوو مدرامانوو کەش و چارچەلی، ئۆپەراسیۆنی شۆڕشگێڵنی گەشمەرڎە لەیلا سورخوێنۍ ئەنجامدریا. هێزەکېما جە ٥ قۆڵېوە لوۍ سەروو ئەرەگیرا و پی جۆرە ئۆپەراسیۆنی شۆڕشگێڵنی گەشمەرڎە لەیلا سورخوێنۍ ئەنجامدریا. بە نارنجۆکە و چەکی تاکەکەسی هجومکریا سەروو ئەرەگیرا. هێزەکېما چا لووۍ سەروو جەنازەو ١٢ ئەرەگیرا و ئاشکراشا کەرڎ گرڎشا سزادریېنۍ. ئا هێزەی گەرەکشابۍ فریاو ئەرەگیرا گنا، کۊتۍ دامەو هێزەکاماوە و بەشێوېوە کاریگەر دریاشا ۋنە. چېیچ ٦ ئەرەگیرۍ سزادریۍ. هێزەکېما سەروو جەنازەو ئەرەگیراوە دەسشا گرت سەروو، چەکېوە نیمچە ئۆتۆماتیکی، بی کەی سی، بۆمبشانېوە، ٢ چەکۍ تاکەکەسی MPT-55، ١٢ مەغزەنۍ چەکی MPT-55 و ئامێرێوە ئێستەیۊی و ٢ دووربینۍ، چەک و تەلەفۆنێوە گەورەو مانگەی دەسکردە و ٢ تەلەفۆنۍ، دووربینی گەرمی، ٢ پاوەر بانکۍ، ٢ چەترۍ، ٢ پاڵتاوۍ، هېلەکېوە هجومی، ٥ جانتۍ، تاقمێوە جلوبەرگی سەروازی، کلیتېوە، جانتېوە تەندروستی، تەرمۆزېوە، هیتۍ دەسکێشۍ و ٢ کاردی.

ئۆپەراسیۆنی شۆڕشگێڵنی گەشمەردە لەیلا ئامەڎۍ پۍ یاڎکەرڎەیۊ هامڕایاما، باران چیراڤ و بەنەڤش ڤەژینۍ و ئامەد ئاڤێستا کە فیڎاکارۍ سەرمەشقی ئۆپەراسیۆنی شۆڕشگێڵنی کەش و هەکاری بېنۍ جە ٢٦ و تشرینوو دووەموو ٢٠٢٢، ئەنجامدریا.

هەرێموو گەشمەرڎە دەلیلوو ۋەرنیشتوو زاپی:

* ٢٥ و تشرینوو دووەمی، سەعات ١٢:٠٠ و ١٦:٠٠ جە مېڎانوو مدرامانوو کەش و جودی بە چەکی قورس جە ئەرەگیرا دریا و جموجوڵوو ئەرەگیرا مردا.

* ٢٥ و تشرینوو دووەمی، سەعات ١٢ و ١٦:٠٠ جە مېڎانوو مدرامانوو کەش و جودی بە تاکتیکوو نیشانەماڕۍ ئەرەگیرەکۍ کریۍ ئامانج و گولەۋاران کریۍ و ئەرەگیرېوە سزادریا.

* ٢٤ و تشرینوو دووەمی، سەعات ١١:٤٠ و ١٥:٠٠ جە مېڎانوو مدرامانوو کەش و ئامێدی بە چەکی قورس جە ئەرەگیرا دریا.

* ٢٤ و تشرینوو دووەمی، سەعات ١٥:٤٠ دەیەقۍ جە مېڎانوو مدرامانوو کەش و ئامێدی بە چەکی نیمچە ئۆتۆماتیک هجومکریا سەروو ئەرەگیرا و گورزە جە سەنگەرێوە شنیا. ئی چالاکییە جەلایەنوو هێزەکاو یەژاستاریماوە ئەنجامدریا.

* ٢٤ و تشرینوو دووەمی، سەعات ٤:٥٠، بە چەکی نیمچە ئۆتۆماتیک هجومکریا سەروو ئەرەگیرا جە مېڎانوو مدرامانوو کەش و ئامێدی.

* ٢٥ و تشرینوو دووەمی، سەعات ١٢:٠٠ بە چەکی نیمچە ئۆتۆماتیکی هجومکریا سەروو ئەرەگیرا جە مېڎانوو مدرامانوو کەش و ئامێدی و گورزە جە سەنگەرێوە شنیا.

* ٢٥ و تشرینوو دووەمی، سەعات ٣:٤٥ جە مېڎانوو مدرامانوو کەش و ئامێدی بە تاکتیکوو نیشانەماڕۍ ئەرەگیرەکۍ کریۍ ئامانج و گولەۋاران کریۍ. چایچ ئەرەگیرېوە سزادریا. ئی چالاکییە جە لایەنوو هێزەکاو یەژاستاریماوە کریا.

هجومەکۍ سوپاو تورکی ئەرەگیری بە تەقەمەنی قەڎەغەکریا، گازی کیماۋیی و درۆنی بەبۊمب چنیای:

* ٢٤ و ٢٥ و تشرینوو دووەمی سەنگەرەکۍ جەنگی جە مېڎانوو مدرامانوو کەش و چارچەلی جە هەرێموو مەتینای، دووۍ جارۍ بە درۆنی بەبۊم چنیای و دووۍ جارېچ بە گازی کیمیاۋیی بۆردومان کریۍ.

* ٢٥و تشرینوو دووەمی، سەنگەرەکۍ جەنگی جە مېڎانوو مدرامانوو سیدای، جارێوە بە تەقەمەنی قەڎەغەکریای بۆردومان کریۍ.  

هجومەکۍ سوپاو تورکی ئەرەگیری:

* ٢٤ و ٢٥ و ٢٦ و تشرینوو دووەمی جە هەرێموو دەگاو بڵند بازی، دەگاو بێبادی، دەگاو میرانی جە گارە ٤ جارۍ، هەرێموو دەگاو شێلازی جارێوە، هەرێموو خواکورکی ئاڤا لۆلان، هەرێموو ئاڤا لۆلانی و گۆشینی خواکورکی ٢ جارۍ، بەگرڎی ٩ جارۍ بە فڕۆکەی جەنگی بۆردوومان کریۍ.

هەرێمەکۍ گەشمەرڎە دەلیلوو ۋەرنیشتوو زاپ، مەتینا، خواکورکی، تۆپبۋاران کریۍ".