جە ئێدینبورگ و پایتەختوو سکۆتلاندای یاڎوو گەشمەرڎا کۆکوشیەکا پاریسی سەکینە جانسزە (سارا)، لەیلا شایلەمەزە (رۆناهی)، فیدان دۆغانە (رۆژبین)، ئەمینە کارا (ئەڤین گۆیی)، عەبدولرەحمان کزڵ و محەمەد شیرین ئایدن (میر پەروەر)ی کریاوە.

یاڎکەردەیۊکەی جە ناوەنڎوو جەمەو دیموکراتیکی کوردی بە دەیەقېوە بێدەنگی پۍ حورمەت گێرتەی جە یاڎوو گەشمەرڎا کوردسانی دەسشپنەکەرد.

ژمارێوە فرە بەشدارۍ مەراسیمەکەی بېنۍ و دروشمەکۍ "گەشمەرڎۍ مەمرا"، "بژیۋۆ سەرۆک ئاپۆ" و "تیرۆریست ئەردۆغان"یشا واتێوە.

بەنامۍ جەمەو دیموکراتیکی کوردی شۆڕش کوردی قسێش کەردۍ و ئەرەیاۋناش، دەوڵەتوو تورکی ئەرەگیری جە دژوو گەلوو کوردی سیاسەتوو جینۆسایدی ڕاوەبەرکەرۆ. شۆڕش کوردی واتش، "ئا مەژگەو کۆکوشی بە شێوێوە نامەردانە هجوم کەرۆ سەروو بەهاکاو گەلوو کوردی.بەڵام گەلوو کوردی سەروو ڕاو سارۍ، رۆناهیۍ و ئەڤینەکا جە دژوو فاشیزمی و ئەرەگیری پەرە بە کۊشیای مڎا. مەژگوو ئەرەگیری کە جە ۋەران ۋەروو گەلوو کوردینە کۆکوشیش کەرد، ئارۆ جە ۋەران ۋەروو مدرامانی شکۆمەندانەو گەریلاینە شکسش ئاردەن. کۊشیای ئازاڎیی و یەکسانی ساراکا زیاتەر گوڕش پنە مڎریۆ".

جە دمادمایچەنە بەڵگەفیلمێوە نمایش کریا.