گۆشەگیری رەها سەروو رابەروو گەلوو کوردی عەبدووڵا ئۆجالانی ٣٧ مانگېن بەردەواما. هەڵمەتەو ئازاڎیی جەستەیی عەبدووڵا ئۆجانی و چارەسەرکەردەی پرسوو کوردی کە جە ١٠و تشرینوو یووەم و ٢٠٢٣ دەسش پنەکریابۍ، بەردەواما. زینڎانیا سیاسی جە زینڎانەکا سەرنیشتوو کوردسانی و تورکیای جە ٢٧و تشرینی دووەموو ٢٠٢٣ېوە ئینۍ چالاکی مانگرتەینە جە واردەی بە شێۋەو نۆبەتی. زینڎانیا جە ٥و نیسانینە قەرارشا دا چالاکی ۋېشا فاڕاوە پەی قۆناغێوە تازەی. زینڎانیەکۍ قەرارشا دا کە دادگاکا بایکۆت بکەرا و بەشداری جە دیڎاری و چەمپنەکۊتەینە نەکەرا و بە تەلەفونیچ قسۍ نەکەرا.

٦٠ ژەنی جە زینڎانوو ژەنا سینجانی چی چوارچێوەنە نامېوە ۋەرفراوانشا ئاراسەو وەزارەتوو دادی، حکومەتی و ۋەرپرسا دەوڵەتی کەرد. جە نامەکەنە داواکریا کە پەی ئانەی عەبدووڵا ئۆجالان جە ئاشتینە دەوروو ۋێش گېڵنۆ، مشۊم گۆشەگیری هۊرگیریۆ، ئازاڎیی جەستەیی ئاڎیی دەسەبەر بکریۆ و هەلومەرجی پێویس ڕەخسیۊنە.

جە نامەکەو ئا ٦٠ ژەنە زینڎانیە سیاسیەینە ئامان: "ئێمە جە زینڎانوو ژەنا سینجانی ٦٠ زینڎانیۍ سیاسیېنمۍ و ماچمۍ، بەردەوامیدای بە سیاسەتوو ئەشکەنجەی و تنتەرکەردەیۆ گۆشەگیری سەروو سەرمەشقوو ئاشتی عەبدوڵا ئۆجالانی و هەڤاڵاش، کوردسانی و تورکیای و ۋەرکەوتوو دلېڕاسەی بەرەو گێجاوۍ بەرۆ.

ئارۆ جە سەڎان زینڎانېنە بە هەزاران زینڎانیۍ سیاسیۍ جە ڕاو مانگرتەیۆ پەی ماڕای گۆشەگیری کۊشیانە. مشۊم  گۊش جە داواکارییەکاشا بگیریۆ و جابەجێ کریا. جە دما دمایینە داوا جە حکومەتی، وەزارەتوو دادی و گرڎوو کاربەدەسا مکەرمۍ کە پا مەڵامەتەی پرسوو هۊرگېرتەی گۆشەگیری سەروو عەبدووڵا ئۆجالانی کە سەرمەشقوو ئاشتین پەی وڵاتەکەیما، پرسێوە وەرینەنە پەیما، گۆشەگیری هۊربگیریۆ و هەلومەرجێوە ڕەخسیۊنە پەی ئانەی بتاوۆ جە چەسپنای ئاشتینە دەوروو ۋێش جابەجێ بکەرۆ.