داراو خەڵاتو ئاشتیی نۆبڵی و ژەنە چالاکەو مافەکا مرۆڤی جۆدی ویلیامزە ئاماژەش پانەی دا کۊششەکۍ ڕابەر ئاپۆی پەی ئاشتیی ئیلهام بەخشێنۍ و ماچۆ من متاوو (ڕابەرئاپۆ)ی هۊرچنو پەی خەڵاتو نۆبڵ و ئاشتی.
داراو خەڵاتو ئاشتیی نۆبڵی و ژەنە چالاکەو مافەکا مرۆڤی جۆدی ویلیامزە جە مەدیا خەبەر تیڤینە قسێش کەردۍ و جوابو پرسیارەکا ئەرەم کانسۆیش دێوە. جۆدی ویلیامزە ئاماژەش پانەی دا کۊششەکێ ئاشتیی ڕابەر ئاپۆی جە ئاژەو وەڵابیەیۆ جەنگی و قڕکەردەی جە تەمامو جەهانینە وەڵێکۊتەیۍ فرە گرنگ و ئەرێنییا و واتش: "عەبدوڵا ئۆجالان پەی ئاشتیی هەنگامە منیۆ. بەڕاسی وینای ئی کۊششاشە پەی ئاشتی ئیلهام بەخشا پەی گلېرگەو مرۆڤایەتی."
مشۊم تورکیا بە دڵسۆزی جواب بڎۊوە
جۆدی ویلیامزە ئاماژەش پانەی دا مشۊم پەی بەشداربیەو ڕابەر ئاپۆی جە پڕۆسەو ئاشتینە پەنەوازا هەلومەرج بنیاڎبنریۆ و جەختش کەردۆ مشۊم تورکیا بە شێوێوە دڵسۆزانە و جددیەتۆ جوابو پڕۆسەکەی بڎۆوە.
جۆدی ویلیامزە ئاماژەش پانەی دا پەنەوازا سڵامەتی ڕابەر ئاپۆی ۋەرچەم بگیریۆ و داواش جە دۊڵەتو تورکی کەرڎ دەس جە گەمەکەردەی هۆر بگێرۆ و چنی سیاسیەکاو کوردی دەس بە گفتوگۊی ماناڎاری بکەرۆ و دمایی بە جەنگی بارۆنە.
'عەبدوڵا ئۆجالان بە کۊششەکاش کاندیدۍ جددییا پەی هۊرگێرتەی خەڵاتو نۆبڵ و ئاشتی'
جۆدی ویلیامزە ئاماژەش پانەیچ کەرڎ گفتوگۊیەکۍ ڕابەر ئاپۆی سەرو بنەماو ئاشتیی، ئەمنیەتی کەردەنشا بە کاندیدۍ گرنگو خەڵاتو نۆبڵ و ئاشتیی و واتش: "ئی پڕۆسەو عەبدوڵا ئۆجالانی، پەی خەڵاتو نۆبڵو ئاشتیی کاندیدۍ جدییا."
