جە ساڵەو ٢٠٢٤ ینە هرووژمە ئەرەگیرییەکۍ دۆڵەتو تورکی و چەتەکێش جە دەگاگا گرۍ سپی وعەین عیساینە بەردەوامۍ بێنۍ و بیۍ بە مەڵامەتو کوشییای و زامڏاربییەی دەیان هاموڵاتیێ مەدەنیۍ، چانیشا دووێ بنەیانۍ کۆمکوژێ کریێ کە فرەیشا ژەنێ و زاڕۆڵێ بێنێ.
چا وەختۆ کە دۆڵەتو ئەرەگیرو تورکی و چەتەکاش جە مانگەو ئۆکتۆبەرو ٢٠١٩ ینە شارو گرێ سپیشا ئەرەگیر کەرد، تا ئیسەیچ هاموڵاتیێ مەدەنی جە دەگاکا گرێ سپی وعەین عیساینە مکەرانە ئامانج. چا هرووژمانە بەدەیان هاموڵاتیێ مەدەنیێ کوشیێ و زامڏارێ بیێ.
هرووژمەکا ساڵەو ٢٠٢٤نە پەی سەرودەگاو عەین عیسای و گرێ سپی، ٢٥ کەسێ گەشمەرڏۍ بیێ و ٤ کەسێچ زامڏاری بیێ.
جە ٢٠و نیسانینە جوانێوە بە نامێ “حەسەن محەمەد، نزیک بە ڕاو مییاندۆڵەتینە بە دەسو قەناس بەدەسو سوپاو ئەرەگیرو تورکی گەشمەرڏە کریا.
١٤و تەمووزینە سوپاو ئەرەگیرو تورکی و چەتەکاش بە فڕۆکەی بێفڕۆکەوان ڕاو مییاندەوڵەتیشا بۆمبواران کەردە و جە ئەنجامەنە جوانێ بە نامێ خالید ڕدای گەشمەرڏە بیی جوانێوەیچ بە نامۍ خەتاب ڕەمەزان سەعدی زامڏار کریا.
جە ١و ئابینە، قەنناس بەدەسەکۍ سوپاو ئەرەگیرو تورکی، ٢ هاموڵاتیێشا بە نامەکا موحسین هرێتم ئەلجەوالی و عەزیز سەلیبی ئەلنەهاری جە دەگاو ئەل شیرکێنە زامڏارۍ کەردۍ .
ڕۆو ٤و ئەیلولی، هاموڵاتیێ بە نامێ عەتاوڵا خالید ئەلعەتی جە دەگاو ئەل بەشیری جە وەرنیشتوو گرێ سپی، بە گولـێ سوپاو ئەرەگیرو تورکی زامڏار کریا.
جە ٢٠و تشرینی، دەگاو ئەل فەتسای تۆپواران کریا. جە ئەنجامەنە ٣ زاڕۆڵێ بنەیانێوە کە تەمەنشا بەینو ٩-١٢ ساڵینە بێ، گەشمەرڏێ بیێ.
٨و کانونو یوەمو ٢٠٢٤ینە، دۆڵەتو ئەرەگیرو تورکی، بە فڕۆکەی بێفڕۆکەوان دەگاو مستریحای عەین عیسایشا بۆمبواران کەرد و بنەیانێوەش کۆمکوژ کەرد. چا کۆمکوژییەنە ١٢ کەسێ گەشمەرڏێ بیێ کە فرەیشا ژەنێ و زاڕۆڵێ بێنێ.
نامێ گەشمەرڏا ئا کۆمکوژییە پی جۆرەنە:
محەمەد ئیبراهیم ئەل ئیدۆ، مستەفا ئیبراهیم ئەل ئیدو، ئیسماعیل مەحموود ئەل ئیدۆ، حەسەن مستەفا ئەل ئیدۆ، عەبدولقادر مستەفا ئەل ئیدو، ڕۆقیە عوسمان ئەل ئیدۆ، کەوسەر مستەفا ئەل ئیدۆ، نەوما مستەفا ئەل ئیدو، زەمزەم مستەفا ئەل ئیدۆ، نەدا محەمەد ئەل ئیدۆ، ترکیە محەمەد ئەل ئیدۆ و ئەبیر ئەحمەد ئەلفەنۍ.
١٠و کانونو یوەمو ٢٠٢٤ینە دۆڵەتو ئەرەگیرو تورکی دەگاو سفیانی وەرنیشتوو گرێ سپیش بە فڕۆکەی بێفڕۆکەوان کۆمکوژیێ تەرش دژو بنەیانێوە ئەنجامدا. جە ئەنجامەنە خەلیل سلێمان، وێدە سلێمان، محەممەد ئەل عەبۆ، عەبدولکەریم ئەل عەبۆ، دەلال سلێمان، نادیە سلێمانە و دووێ زاڕۆڵێ مەلۊتکێشا گەشمەرڏێ بیێ.
سەرەتاو ئەرەگیرکەردەو شارو گرێ سپینە جە ٢٠١٩، جە لایەنو دۆڵەتو تورکی و چەتەکاشۆ، ٦٥ کەسێ گەشمەرڏۍ کرینۍ و ٩٩ کەسێچ زامڏارێ بیێنێ. جە دەگاگا ئەل سەفاوییەی، ئەل دبس، ئەل عەلیمات، ئەل موشیرفای و سەفیانیچ جە دژو بنەیانەکا کۆمکوژیۍ ئەنجامدریا.
