دادگاو سزادای قورسوو جولەمێرگی سزاو ١٩ ساڵا و ٦ مانگا زیندانیکەردەییش پەی هامسەرۆکوو شارەوانیی جۆلەمێرگی محمەد سدیق ئاکشی بڕیوە. هەرپاسە دادگا قەرارش دا کە ئاکش بگیریۆ. دمابەدماو قەرارەکاو دادگای، شەرمەزاکەردەیش شارەکەنە دەسش پەنە کەرد.

هامسەرۆکی گردینوو دەم پارتی تولای حاتم ئۆغۆللاری واتش: "دەسەڵاتداری دژوو گەلی جەنگش ئەرەیاونا." هەرپاسە قسەکاشنە حاتم ئۆغۆللاری ئاماژەش کەرد پانەیە ئاکش حورمەتوو گەلوو کوردی و گەلاو تورکیاین و واتش: "قەیوم زەوتکەردەیی ئیرادەین، قەیوم کودەتان. کودەتاو ئاکەپەیا."

بە سەدان لە سەروازێ و پۆلیسێ تەوقەو بیناو پارێزگاری و دادگایشا دێنە.

زانیاری فەرەتەر وەڵا مکریۆوە...