کلیپە نوێیەکەی کۆما ئامارا: ئاپۆ خۆرە
کۆما ئامارا کلیپێکی بە زمانەکانی کوردی، ئینگلیزی و عەرەبی بە ناوی 'ئاپۆ خۆرە' بڵاوکردەوە.
کۆما ئامارا
دەستەواژەی 'دوای ٢٥ ساڵ' لە سەرەتای کلیپەکەدا ئاماژەدانە بە بارودۆخی تێکۆشانی ڕێبەری گەلی کورد عەبدوڵا ئۆجالان و گۆشەگیری ئیمراڵی.
کۆما ئامارا، لە چیا ئازادەکانى کوردستانەوە، کلیپێكی نوێیان بە ناوی “ئاپۆ ڕۆژە” بڵاوکردەوە.
کلیپەکە ماوەکەی پێنج خولەکە و بە هەرسێ زمانی کوردی، عەرەبی، ئینگلیزییئامادەکراوە، لە سەرەتاکەیدا نووسراوە 'دوای ٢٥ ساڵ' کە ئاماژەیە بۆ ئەو هەلومەرجەی کە ڕێبەری گەلی کورد عەبدوڵا ئۆجالان ماوەی ٢٥ ساڵە بەرخۆدان لە ئیمرالییدا دەکات و ئەو گۆشەگیریی توند لە دژی بەڕێوەدەچێت.
هەروەها، لە کلیپەکەدا وێنەی ساکینە جانسز وەک نموونەی ژنانی شۆڕشگێر و رۆسا لوکسەمبۆرک وەک نموونەی کەسایەتیی مێژوویی دیار دەکەون.
هەروەها لە کلیپەکەدا ئاماژە بەوەکراوە، ڕێبەر ئۆجالان دەرگای بۆ ئازادیی ژنان واڵا کردووە، هەروەها پاڵنەرە مێژوویی و کولتوورییەکان دەردەکەوێت کە ئەمەش نیشانەی ئەوەیە ئەم بەرهەمە بە شێوەیەکی قوڵ هەڵسانگاندنی بۆ کراوە.
کۆما ئامارە، گرووپێکی هونەریی ژنانی گەریلای ئازادیی و شۆڕشگێڕن لە چیا ئازادەکانی کوردستانە، بەرهەمی هونەریی پێشکەش دەکەن و بوون بە پارێزەری هونەر و کولتووری ڕەسەنی کوردی.
