ئەنداماو ڕێکوزیایاو گلێرگەی مەدەنی، کۊنگرەو ستاری و نوێنەراو لایەنە سیاسییەکۍ و هەرپاسە بە سەدان کەسۍ جە ئەرەنیشتاو شارۊچکەو عامودا -کانتۊنوو جزیرەی، جەنازەو جومعە عوسمان حسۊی ئەنداموو هێزەکاو ئاسایشوو دلێشا قەبرسانوو گەشمەرڎە ئیسماعیلینە بەخاکی ئسپارا.

جومعە حەسۊ بۊنەو جەڵتەو دڵیوە ٤وو کانوونوو دووەمینە وەختوو بەیاگەیاونای هەرمانەکێشنە گەشمەرڎە بی.

جەماوەر جەنازەو گەشمەرڎەیشا نیا شانەوە و بە دروشموو "گەشمەرڎۍ مەمرا" بەرەو قەبرسان بەردشا.

قەبرستانەکەنە مەراسیمێوە جەماوەری کریا، مستەفا عۊمەر، جە ڕاوەبەراو ئەنجوومەنوو بنەیانەو گەشمەرداو عامودای، سەرەوەشییش وەنەو بنەیانەو گەشمەرڎە جومعەی کەرد و گردوو گەشمەرداو شۊڕشوو سەرنیشتی و وەرکەوتوو سوریایش یادۍ کەرڎێوە. مستەفا عومەر واتش:"حەرگەشمەرڎێوە میراتێوە کۊشیای و مدرامانیش یاگۍ وێشنە جیا ئاستەن، ئێمە وەعد مدەیمۍ یاگەپاشا ورگێرمۍ و بەردوامۍ بیمێ".

جە ڕاوەبەراو هێزەکاو ئاسایشوو دلێ، شێخموس سەعید، باسش جە یاگۍ و کۊشیای هامڕا جومعەی کەرد و واتش:" بەشداریی فرەو چالاکییەکاش کەرد، ساڵەو ٢٠١٤ تا ڕۊو گەشمەرڎەییش کۊشیا، قۊرتەکۍ ڕاشا وەنەو هەرمانە ئەخلاقی و وەڵاتپارێزنییەکاش نەگێرت".

سەعید ئاماژەش پانەیە کەرد، تا بەدیئامای ئامانجوو گەشمەردا، بەرڎەوامۍ بیمۍ جە کۊشیای.

دماو وتارەکا، شناسنامەو گەشمەرڎەی لاو ئەنداموو ئەنجوومەنوو بنەیانەو گەشمەردا، هێڵدا حسێنیوە ونیاوە تەسلیموو بنەیانەکەی کریا.

دماتەر جەنازەو گەشمەرڎە جومعەی گەشمەرڎە ئیسماعیلی بە دروشموو "گەشمەرڎە مەمرۊ"ی بەخاکی ئسپاریا.

ڕاوڕسموو پەرسەو گەشمەرڎەی ساحەو شەرمۊلاینە عامودانە منریۊرە.