جەنازەو گەشمەرڎە تێکۆشەر پێنجوێنی ئەسپەرڎە بەخاکی کریا
جەنازەو تێکۆشەر پێنجوێنی کە جە جەنگێوەنە جە ئەلکێ گەشمەرڎەبیەبۍ، جە ئامەڎ چێروو تەوقەو پۆلیسینە ئەسپەرڎە بەخاکی کریا.
جەنازەو گەریلاو هەپەگەی تێکۆشەر پێنجوێن (لەڤەند ئاندیچ) کە ٢٧و تەمووزوو ٢٠٢٣ جە بۆتان جە جەنگېوەنە گەشمەرڎە بیەبۍ، جە ئامەڎەنە ئەسپەردە کریا.
جەنازەو تێکۆشەری بە بێ ئانەی چەمەڕایی ئەنجاموو وشکنای دی ئێن ئەی کریۆ، جە قەبرسانوو بێکەساو شڕنەخینە ئەسپەردەکریابۍ. دماو بەرکۊتەی ئەنجاموو وشکنای ونۍ، دماو ٥ مانگا جەنازەکە دریاوە دەسوو بنەیانەکەیش.
بنەیانەکە بەمەبەسوو بە خاک ئەسپارای جەنازەکەی قەبرسانوو یەنیکۆینە بەردشاوە پۍ مەنتیقەو یەنیکۆی.
هەڵای جەنازەکە نایاوابۍ شارەکە پۆلیس چواردەوروو قەبرسانەکەیشا گێرتەبۍ و بێجگە جە بنەیانەکەیش ڕاشا بە کەسی نەڎا بەشداری جە مەراسیموو بەخاکسپاراکەیشەنە کەرا.
جەماوەرێوە فرە کە حەریۆ جە پەرلەمانتارا و دەم پارتی عەداڵەت کایا و جەیلان ئاکچاشیانەشا دلېنەبێنۍ، ۋەروودەم و بەرەو قەبرسانەکەینە مردېبێنۍ و تا دمایی ئامای بە مەراسیموو بە خاکسپاراکەیش چەمەڕاو بنەیانەکەیشا کەرڎ.
