جە مەراسیمێوە شکۊمەنڎەنە جەنازەو گەشمەرڎە ئێبراهیمی ئەنڎاموو هێزەکاو ئاسایشوو دلېینەی، کە ڕۊو پەنج شەممەی جە شاروو تەبقاینە گەشمەرڎە بی، جە قەبرسانوو گەشمەرڎە دیجلەینە جە کۆبانێ ئەسپەردە بەخاکی کریا.
بە ئامادەبیەی سەڎان کەسا جە ئەنداما ڕێکوزییاکا ڕاوەبەری خۆسەری، پارتەکۍ کانتۆنوو فوراتی بەشدارۍ مەراسیموو بەخاک سپاراکەی بێنۍ.
جە مەراسیمەکەنە ئەنڎاموو هیزەکاو ئاسایشوو دلېینەی عەبدوڵا ڕەشید، قسێش کەردۍ و واتش: "گەشمەرڎە ئیبراهیم بە خاک و نیستیمانوو وێشۊ لکەدریابۍ، وەعدش دابۍ کە ئاسایشوو هەرێمەکەی پارێزنۆ".
ئەنڎامەو مەجلیسوو ژەناو بنەیانەو گەشمەرڎا شیرین حەسێ واتش: "گەلوو هەرێمەکا جە سایەو فەرمانڎەکاشاوە ساحیب ئیراڎەنۍ. حەرپاسە شیرینە سڵامش جە چالاکیەکا و گەریلای ۋەران ۋەر بە دەوڵەتوو ئەرەگیروو تورکی کەرڎ".
جە دما دمایی مەراسیمەکەینە ژیۋای نامەو گەشمەرڎە ئیبراهیمی ونیاوە و درییاوە دەسوو بنەیانەکەیش.
