حەسەکە

سەدان ئەرەنیشتۍ حەسەکەی و ئەنداماو ڕێکوزیا مەدەنییەکا و نوێنەروو مەجلیسە مەدەنی و سەروازییەکا بەشدارۍ بێنۍ جە بەخاکسپارای جەنازەو جەنگەواناو یەکینەکاو پارێزنای گەلی (یەپەگە) کایا ئەحمەد (محەمەد مانۊ) و لەهەنگ قەندیل (بەشار محەمەد) کە لە کانتۊنوو تەبقەینە گەشمەرڎۍ بیێ.

یۊ جە فەرماندەکاو هێزەکاو سوریای دیموکراتیک (قەسەدە)ی، ئاگری حەسەکە واتش: "بە شۊنکەوتەی فیکر و فەلسەفەو ڕابەر عەبدوڵا ئۊجالانی و ڕاو گەشمەرڎا، تەماموو پیلانگێڵنییەکا پووچەڵی کریێوە".

دمایی شناسنامەو گەشمەرڎا ونیاوە و دریا دەسوو بنەیانەکاوە.

دەرباسیە

دەرباسیەنە جەنازەو جەنگەوانوو یەکینەکاو پارێزنای ژەنۍ (یەپەژە) چیا ژەنی دەرباسیە (ڕۊنیا محەمەد عەلی)، کە ١٢ شوباتی مەنبەجنە گەشمەرڎۍ بییە، بەخاکی ئسپاریا.

یۊ جە فەرماندەکاو هێزەکاو پارێزنای جڤاکوو کانتۊنوو جەزیرەی (هەپەجە) حەمید مەعیش واتش: "دەوڵەتی ئەرەگیرکەروو تورکی هجوومەکێش پەی هەرێمەکاو سەرنیشت و وەرکەوتوو سوریای زیاتەر کەرڎەن، بەڵام لەسایۍ مدرامانوو گەلاوە ئی هجوومۍ شکسشا ئارد".

تاتەو گەشمەرڎە چیا ژەنۍ دەرباسیە، وەعدش دا بە درێژەدای بە ڕاو گەشمەرڎا و کناچەکێش. دمایی شناسنامەو گەشمەرڎۍ ونیاوە و دلۍ هەلهەلەو ئەدایانە جەنازەکە بەخاکی ئسپاریا.

ڕەقە

 شاروو ڕەقەینە جەنازەو جەنگەوانوو قەسەدەی، ئەحمەد عەبدوڵا ئەلعەباس بەخاکی ئسپاریا، کە ١٥ شوباتینە عەین عیسانە گەشمەرڎۍ بییە. .

 مەراسیمەکەنەجەخت کریاوە سەروو مدرامانی پەی ڕزگارکەرڎەی هەرێمەکەی و فیداکاریی گەشمەرڎا و گیانفیدایی گەشمەرڎە ئەحمەدی پەی وەڵاتەکەیش.

دمایی شناسنامەو گەشمەرڎەی ونیاوە، بە درووشموو "بە گیان و بە ونی چەنیتنمۍ ئەی گەشمەرڎە" جەنازەکەش ئەسپەرڎە کریا.

دێرک

سەدان هاموەڵاتۍ بەشدارۍ بیۍ جە مەراسیموو ئەسپەرڎەو جەنازەو جەنگەوانەو یەپەژەی زین جیندا (بەهیە عەبد ئەلمەجید)ێ، کە مەنتێقەو دێرکوو کانتۊنوو جەزیرەینە بۊنەو ڕووەداێوە گەشمەرڎۍ بییە.

مەراسیمەکەنە کەسێتیی گەشمەرڎە زینێنە گردوو گەشمەرڎا یادۍ کریێوە، تیشکە وزیا سەروو دەوروو قوربانیدای گەشمەرڎا جە پارێزنای هەرێمەکەینە. دمایی شناسنامەو گەشمەرڎۍ ونیاوە و دریا دەسوو بنەیانەکەیشۊ و بە درووشموو "گەشمەرڎۍ مەمرا" ئەسپەرڎە کریا".

عامودا

عامودانە جەنازەو جەنگەوانەو یەپەژەی بێریتان ناودار (ڕوناهی ڕۊدی ئیبراهیم)ە، کە ئەنجاموو ڕووەداێوە گەشمەرڎۍ بییە بەخاکی ئسپاریا.

مەراسیمەکەنە سەرەوەشی وەنەو بنەیانەو گەشمەرڎەی کریا و بانگەواز کریا پەی کۊشیای دژوو تاوانەکاو دەوڵەتوو ئەرەگیرکەروو تورکی، هەرپاسە جەخت کریاوە سەروو درێژەدای بە ڕاو گەشمەرڎا.

دمایی شناسنامەو گەشمەرڎەی ونیاوە و جەنازەو گەشمەرڎەی قەبرسانوو گەشمەرڎە ئیسماعیلینە ئەسپەرڎە کریا.