دەولەتو تورکی ٢٣ێ ئابینە مەنتێقەو سەیدسادەقو سلێمانیینە بە درۆنێوی هجوومبەر، سەیارێوە ڕۆنامەواناش کەرد ئامانج و گوڵستان تارا و هێرۆ بەهادینە گەشمەردێ بیێ.

جەنازەو گوڵستان تارێ، ماواو وێشنە بە ئامادەبییەی جەماوەرێوی فرەی ئەسپەردەو خاکی کریا.

جەنازەکە دەروازەو خابووریوە، بە واتەیوە درووشموو " گەشمەردێ نمەمرا"ی ورگیریاوە، دمایی فاڕیاوە پەی پزیشکوو دادو شرناخی و چاوە روانەو ئێلیحی کریا، چاگە بە واتەیوە " گەشمەردێ نمەمرا" و " ژەنی، ژیوای، ئازادی"ی و "بمرۆ خیانەت، بژیوۆ کوردسان" بە کارەوانێوە سەدان سەیارەیی بریاوە پەی گەڕەکەو تلمەرجی تا ئەسپەردێ بکریۆ.

وەختوو نزیکبییەیوەشنە بە قەبرسانەکەی پۆلیش گەرەکش بێ تەنیا ڕا بە بنەیانەکەیش و پەرلەمانتارا بدۆ، وەلێ خەڵک دژشا مدرێوە و پۆلیس کەوتێ پەلاماردای و سەرباروو ڕاگێرییەکاو پۆلیسی جەنازەکەو گوڵستان تارێ بە قەرەباڵخی ئەسپەردەو خاکی کریا.

ئەحمەد بولەند تەتیک براو تارێ سەروو قەبرەکێشۆ واتش:" ڕاو ئەرەیاونای ئازادی ڕاێوە مەبارەکەنە،ئێمە پێوەسبییەی هامڕایاو گوڵستانێما بەیادوو ئادێوە دی، سلێمانییچەنە پێوەسبییەی هامڕایاو گوڵستانێما پادێوە دی".

دماتەر پەرلەمانتارەو دەم پارتی زەینەب ئۆدونجوە واتش، "چی قۆناغەو دمایینە وەرەچەمتەرین و ڕۆشنتەرین نموونەکاو هجووموو دەسەلاتوو ئاکەپەی و مەهەپەیما دژوو گەلیوە دیێ، یۆ جە ئامانجە سەرەکییەکاو حکومەتی بەردەوام ژەنینێ. ئینا شۆنەو وێستەیوە ڕا و شێوازی جیایرە پەی کوشتەی ژەنا. ئێمە پێسەو ژەنە بەشداراو کۆشیای گوڕ مدەیمێ بە کۆشیایما... ژەنی، ژیوای، ئازادی".

دماو ئەسەپەردەکەردەی جەنازەکەی مستەفا مەسعود تەتیک واتش، "سپاسوو گەلەکەیما چوارپارچەو کوردسانینە مکەرمێ، ئانێ هامسۆزییشا پەی بەروستیمێ و باوشیشا پەی گەشمەردەکێما کەردۆ، سپاسشا مکەرمێ. ئێمە پێسەو بنەیانەی و هامڕایاو گوڵستانێ وەعد مدەیمێ تا چەسپنای ئاشتیی خاکەکەیمانە درێژە بە کۆشیای مدەیمێ".

هۆڵوو بۆنەکاو گەڕەکەو پازاریەریەینە پەرسەو گوڵستان تارێ منریۆرە.