جەنازەو شەڕڤانو قەسەدەی ئیبراهیم زعێتەر جە سیرینەنە ئەسپەردە کریا
جەنازەو شەڕڤانو قەسەدەی ئیبراهیم زعێتەر کە ١٣ و ئایارینە سەرو هەرمانەکێشۊ گەشمەردەبی ، جە قەبرسانو گەشمەردا سیرینی ئەسپەردە کریا.
جەنازەو شەڕڤانو هێزەکا سوریای دیموکراتیک (قەسەدە) ئیبراهیم زعێتەر ١٣ و ئایارینە سەرو هەرمانەکێش گەشمەردەبی ، جە قەبرسانو گەشمەردا سیرینینە ئەسپەردەکریا. بنەیانەو گەشمەردا و رێکوزیایا و دەزگاکاو سەر بە ئیدارەو وێ ڕاوەبەری و سەدان کەسێ بەشدارێ مەراسیمەکەی بێنێ و درووشمەو " گەشمەردێ مەمرا " بەرزکریاوە.
دماو دەقێوە ڕێزگرتەی جە گەشمەردا، جە راوەبەرایەتی مەجلیسو سەروازی مەنبەجی، مستەفا ئۆچکاخەت قسێش کەردێو قەولش دا بە درێژەدای بە ڕاو گەشمەردا، سەرنجش وست سەرو مدرامانو گەشمەردە ئیبراهیمی و قەولو تۆڵەکەردەېۆ گەشمەرداش دووپاتکەردۆ.
هامسەرۆکو مەجلیسی سیرینی شەبۆ عەبدولڕەزا ئەرەیاوناش هەمیشە سەروو ڕاو گەشمەرداوە کۆشیای گەش مکەرا و وەراوەر بە ئەرەگیرا سەرهۆردای مکەرا و وڵاتێوە ئازاد بنیات منیا.
هامسەرۆکو ئەنجوومەنو جێبەجێکاری کانتۆنوو فوراتی فەرحان حەج قەولش پەی درێژەدای بە ڕاو گەشمەردا واوەی کەردۆ.
هامسەرۆکەو مەجلیسیو بنەیانەو گەشمەردا سیرینی بەهیە عەلی ئەرەیاوناش هەمیشە دژوو ئەرگیرا سەرو راو گەشمەرداوە سەرهوردای مکەرا.
دماتەر ئەشناسنامەو گەشمەردا ونریاوە و ڕادەسو بنەیانەکەیش کریا.
جەنازەو شەڕڤانەکەو قەسەدە ی ئیبراهیم زعێتەر بە درووشمەو " گەشمەردێ مەمرا " ئەسپەردەکریا.
