جەنگاوەراو ئازادیی کوردەسانی (ماک) بۆنەو ساڵیاڎو کۆمکوژی ڕۆبۆسکیوە جە ئامەدەنە ٣ چالاکیۍ جیاوازێشا ئەنجامدۍ.

جە ئەرەیاۋنا نویسیاکەو ماکینە ئی زانیاریۍ ئامێنۍ:

"شەوەو ٢٥ و کانوونو یووەمی جە شەهیدلیکی ئامەدینە، هێزەکێما دژو بنکەو پۆلیسی چالاکیشا ئەنجامدا. دەروازەو بنکەکەی جە لایەنو جەنگاوەراماوە بە تەقەمەنی دەسکرد کریا ئامانج و ئەوەتەقایۍ گۆرە ڕووەشدا.

شەوەو ٢٧ و کانوونو یووەمی سەعات ٢:٠٠ جە شەهیدلیکی ئامەدی، هێزەکێما دژو بنکەو پۆلیسی چالاکیشا ئەنجامدا. جە ئەنجامەنە بیناو ئەرەگیرا بە تەقەمەنی دەسکرد کریا ئامانج و ئەوەتەقایۍ گۆرە ڕووەشدا.

شەوەو ٢٨ و کانوونو یووەمی، جەنگاوەرەکێما مارکێتو A-101 ـو هامکاری ئەرەگیراشا جە شەهیدلیکی ئامەدی کەرڎ ئامانج. مارکێتەکە بە چەک و مۆڵۆتۆڤ کریا ئامانج و زەرەرۍ مادی فرەش ۋنە دریا".

جە ئەرەیاۋناکەینە ئامان:

"گەلوو کوردەسانی بەدرێژایی تاریخی ڕووبەڕوو کۆمکوژی و قڕکەردەی بێشووماری بیەنۆ، ١٣ ساڵۍ چێوەڵی جە ڕۆبۆسکینە کۆمکوژی دژو گەلەکەیما ئەنجامدریا و ٣٤ هاموڵاتیۍ مەدەنیۍ گەشمەرڎۍ بیۍ. پی کۆمکوژییە دۆڵەتو تورکی فاشیستی ڕووەو ۋناوییەو ۋێش واوەی نیشانە داوە. ئانۍ باسو مافو مرۆڤی مکەرا با ئەوەڵجار تەماشەو دەگاو ڕۆبۆسکی بکەرا. پېسە ڕۆڵەکاو گەلی ئێمە جە ڕۆبۆسکییوە تا ۋەرنیشت، بیمۍ بە ئێروو حەق کەردەیۆ، ۋەرا ۋەر بە هەر کۆمکوژی و هرووژمێوە ئەرەگیرا تا دمایی مڎرامان مکەرمۍ و ئازادیما مسۆگەر مکەرمۍ.

گەشمەرڎا ڕۆبۆسکی بە چالاکیۆ یاڎۍ مکەرمێوە، ۋنەپەرسایۆ چی کۆمکوژییا سەرو گەلەکەیما مکەرمۍ و تا بەرکەردەی ئەرەگیرا جە خاکو کوردەسانینە، ئەرەکۊشمۍ".