جەنگاوەراو دەلیلا مەیاسەری جمیەرو شۆڕشگێڵنی یۆگێڕتەو ژەنا (کەبەدەهە) سەبارەت بە چالاکییەکەیشا ئەرەیاۋنێوەش وەڵاکەرڎۆ. جەنگاوەراو کەبەدەهەی ئەرەیاۋناشا، "جە دژوو ئەرەگیری و خیانەتی ئاڎۍ جە ٢٥و ئابینەکارگەو کەلوپەلەکا چێرزەمینی هۆتێل بەرنیشا جە جاڎەو گورانی ناوچەو فاتحی ئیستەنبوڵی سۆچنان".

جە ئەرەیاۋناکەینە ئامان، "جە چالاکی جوابدایۆ تیرۆرکەرڎەی گوڵستان تارۍ و هێرۆ بەهادینێنە کە سلێمانینە جە لایەنو دۆڵەتو تورکی فاشیستیوە تیرۆرۍ کریۍ، کۆگاکە بە تەمامی سۆت و ئانە یەکلایی بیەنۆ کە گەشتیارەکۍ هۆتێلەکێشا جیا ئاستێنە".

جەنگاوەراو کەبەدەهەی ئەرەیاۋناشا، "رژێمو ئەرەگیری فاشیستو ئاکەپە-مەهەپەی ئەگەرچێش بە تایبەتی سەرمەشقا ئەرەکۆشای ئازاڎیی ژەنۍ مکەرا ئامانج، ئاڎۍ دژوو گرڎو ڕێوگارا ئازاڎیی و ئەرەکۊشاینۍ. جە دژوو گرڎو ژەنا هرووژمی پلان پەی مجیایرە و چالاکی جەنگی تایبەتی ئەنجام مڎا. رژێمو دۆڵەتو تورکی کۆلۆنیالیستی و گرڎوو ئانیشا کە هامبەشۍ ئی جەنگە چەپەڵەینۍ، باجو ئا هرووژما مڎا".