جەنگاوەراو ئازاڎیی کورڎەسانی (ماک) ئەرەیاۋنێوە نویسیاشا وەڵاکەردۆ، ئەرەیاۋناشا کە ئاڎۍ جە ١٤و ئابینە سەعات ٠٠:٢٠ دەیەقۍ جە گەڕەکەو کشڵای ناوچەو گەڤەرو جۆلەمێرگی دژوو پۆلیسە ئەرەگیرەکا بە تەقەمەنی دەسکرد چالاکیشا کەردەن.

جەنگاوەراو ماکی ئاماژەشا پانەیچ کەرد کە، "جەنگاوەرەکێما بە بۆمبی دەسکرد خاڵێوە ئەرەگیراشا کەردەن ئامانج و جە ئاکاموو چالاکییە کاریگەرەکەینە ئەوەتەقایۍ فرۍ چا شۆنێنە ڕووەشا دان. پۆلیسە فاشیستەکۍ دماو ئەوەتەقایۆکا تەرسێنۍ و دەسڕێژو گولـلاشا چواردەورو ۋێشارە کەرد. ژمارێوە فرۍ پۆلیسۍ و ترۊمبێلۍ فریاگوزاریۍ تەندروسی رەوانەو شۊنەکۍ کریۍ. ژمارەو کوشیای و زامڎارەکا نەزانیان. شۊنەو چالاکیەکەیرە جەنگاوەرەکێما بە سڵامەتی گێڵێوە پەی شۊنەکاو ۋێشا.

ماک جە دمادماینە داواش جە گرڎوو جەنگاوەراو کورڎەسانی کەردەن کە بە زېڵۍ ١٥و ئابی پەرە بە ئەرەکۊشای بڎا و پەی ئەنجامدای چالاکی جە ئاماڎەیی تەمامەنە با.