جەنگوو غەززەی یاوا ١٠٠ ڕوێ: نزیکەو ٢٤ هەزار کەسا کوشیێنێ
جەنگوو بەینوو ئیسرائیلی و حەماسی یاوا ١٠٠ ڕوێ. بە پاو وەزارەتوو تەندروستیی حەماسی ٧ تشرینوو یوەمیوە نزیکەو ٢٤ هەزار کەسا هجوومەکاو ئیسرائیلینە مەردێنێ.
وەزارەتوو تەندروسیی حەماسی ڕۊو یەکشەممەی ئەرەیاوناێوەش وەڵا کەردۊ، ئەوەخوایش کەردۊ، ئەوەڵوو جەنگوو غەززەیۊ تا ئیساتۍ ٢٣ هەزارۍ و ٩٦٨ کەسۍ کوشیێنۍ و فرێشا ژەنی و زارۊڵێنێ.
بەپاو ئەرەیاونایەکەی ٧ تشرینیوە چند یاگێگولانەو فەڵەستینینە، ٦٠ هەزارۍ و ٥٨٢ کەسۍ بریندارۍ بیێنێ.
سەرۊکوەزیرانوو ئیسرائیلی بنیامین ناتانیاهۊ ڕۊو شەممەی واتش: "کەس مەتاوۊ مردنۊما، نە لاهای و نە بەرەو جەنگی".
