جمېیەرو ئیسلامی کوردەسانی (جیک) بە ئەرەیاونێوە کۆمکوژی ئی دماییەو سەرو عەلەوییەکاش جە سووریانە شەرمەزار کەرد.

جیک ئەرەیاوناکەینە واتش: "ئا کۆمکووژییێ جە سووریانە جە وەراوەرو گلێرگەی عەلەوییەکانە ئەنجام دریۆنە، دڕندەییا جە وەراوەرو ژەنا و زاڕۆڵاوە ئەنجام دریۆنە، تەنیا جەنگ نییا، دووژمنایەتی مەزهەبیا. ئی زیهنیەتە نمونەو زوڵمو هیزی داعشیا جە دژو کوردا، کوردێ ئێزدی، عەرەبە ئۆپۆزسیۆنەکێ، کریستیانەکێ و چنین گلێرگێ تەرێ ئەنجامی دێ. ئیسەیچ هەمان فکرو تاریکی بە دیمەنێوە 'تازە' جارێوەتەر بەرکەوتۆ.

جە بەردەوامیینە جیک ماچۆنە: "ئەر ئارۆ بێدەنگێ بیمێ، سەوای سەرەو بڕوا و گەلی جیاوازیچ مێ. ئێمە هامکاری زاڵمی مەبیمێ، زاڵم هەرکەسێوەن جە دژش مدرمێوە."

حەر جە ئەرەیاوناکەینە داوا پەی مدرایۆ کۆمکوژییەکا مکەرۆ و ئامان: "جە دژو دڕندەی، مشۆم تەمامو موسڵمانا، هەرکەسێ کە ماچۆنە مرۆڤەنا، ئەرەمەرزیێرە ئایینیەکێ و حەرکەسێ خاوەن ویژدانا ئەوەکۆشۆنە. مشۆم جە یاڏش نەکەرمێ ئی بێدەنگییە ستەمکارییا جە دژو گلێرگەو عەلەوییەکا زیاتەر مکەرۆ، جە دژو ستەمی دەنگتا هۊربڕدۍ."