"ئانۍ سەردەشتشا گەشمەرڎە کەرد هەڵای جە سەیەو سەردەشتی متەرسا ، فۆبیاشا بەئازاڎیی هەن، پۊکاتی ئاڎۍ ئامۍ شێروان و هامڕاکێشا زینڎانەنە زینڎانیۍ کەردۍ، هامڕاو هەڤاڵەکۍ سەردەشتیشا جە خاک و ماواو مەنزڵ و ۋێشانە بەرکەردۍ".
چواردە ساڵۍ ۋییەرد ، بەڵام هەڵای ۋنەو سەردەشتی سەروو زەمینیۆ ووشکە نەبیێنۆ، جە لاو ئێمۆ و خەڵکی ئازاڎیوازیۆ هەڵای پېسە یووەم ڕۊو سەرەتاو بڕفانای سەردەشتین ۋەروودەم و کۆلېجوو ئادابینە جە نشتگەو سەڵاحەدینی، چواردە ساڵۍ چێوەڵتەر دەسێوە سیاوو ئاشکرا بە ڕۊی نیمەڕۆ و ۋەرووچەما زانستی و زانشتگەیۆ سەردەشتشا بڕفاناو دماتەریچ پانەیچۆ نەمردۍ جەنازەی مبارەکش شاروو موسڵینە فڕەدریا، شەمشەکۆرەکۍ پاسشا زانا ئەگەر جەنازەو سەردەشتی بەرانۍ بەروو کوردسانی ، ئیتر سەردەشت دمایش پنە مۍ، بەڵام سەردەشت بی بە تۆموو ئازاڎیی و شۊنەو ۋێشەرە زیاتەر چەکەرەش کەردوو ۋەروو دەم و بەرەو گرڎ یانێوە ئازاڎیوازینە بی بەنەمامۍ ئازاڎیی، گرڎ جاڎێوە هەولێرینە بی بە بەچراوە، گرڎ باخچێوەنە بی بەگوڵۍ ئازاڎیی.
ئانۍ سەردەشتشا گەشمەرڎە کەرد هەڵای جە سەیەو سەردەشتی متەرسا ، فۆبیاشا بەئازاڎیی هەن، پۊکاتی ئاڎۍ ئامۍ شێروان و هامڕاکێشا زینڎانەنە زینڎانیۍ کەردۍ، هامڕاو هەڤاڵەکۍ سەردەشتیشا جە خاک و ماواو مەنزڵ و ۋێشانە بەرکەردۍ، ئا ئەقڵیەتەی سەردەشتش تیرۆرکەرد، هەمان ئی ئەقڵیەت و کارەکتەرێنۍ کە ئارۆ شێروان شێروانی و سلێمان ئەحمەڎ و قەهرەمان شوکریشا زینڎانەنە تنۍ کەردێنۍ.
ئا ئەقڵیەتە خێڵەکی و بنەیانەییەی سەردەشتش گەشمەرڎە کەرد، هەمان ئا ئەقڵیەتەنە بە مەڵامەتوو ملهوڕی و نەزانیوە سەڎەنە پەنجاو یەکوو خاکوو کوردسانیش دۆڕنا، پانەیچۆ مەمردا دماو ئاشکرابیەی و ئەسڕیەیۆ چوار سەڎ هەزار دەنگدەرۍ ساختەیشا و ئاشکرابیەی قەبارەو ئەقڵی گولانەیشا گەرەکشانە دژوو دیموکراسی و ئازاڎیی مرداوەو ڕا جە ئەنجامدای هۊرچنیەی بگێرا، پەی ئانەی ئی سەڎەنە چل و نۆیەی کەمەنەن دەسمانە بلۆ، پۊکەی ئەرکوو گردیمانە ئی دەسەیە بڕمۍ و سنورێوەشا پەی بنیەیمېرە تا ئیتر ئازاڎیما نە کوشا.
بەرزو مبارەکا یاڎوو سەردەشتی و ئارۆ لاو ئێمۆ یاڎوو چواردەساڵەو جە ئەڎابیەیشا سەردەشت ئارۆ تەمەنش چواردەساڵێن و تازە بەرەو گەنجی وجوانی و گەورەی ملۆ و ڕۆ دماو ڕۆی گەورەتەر بۆ و بکوشەکێچش ڕۆ بە ڕۆ گولانە گولانۍ باوە و تەنیا هەژماروو ۋێشا ۋەردەسەنە مەنەن.
