ئەنداموو کۊمیتەو ڕاوەبەریی پەکەکەی دوڕان کاڵکان جە بەرنامۍ تایبەتیی مەدیا هابەر تیڤینە قسێش کەرڎۍ و ئەرەیاوناش کە ئا هێزۍ جە دژوو فاشیزموو ئاکەپە-مەهەپەی کۊشیا، مشۊم وێشا ئامادە کەرا. کاڵکان داواش جە گرڎ لاێوە کەرڎە، کە دلۍ مدرامانی دیموکراتیکی دژە فاشیزمنە بەشدارۍ با.

کاڵکان واتیچش، کە کۊشیای فرەتەر ڕادیکاڵ بۊ و واتش، "مشۊم بە پاو ئانەیە وێما ئامادە کەرمۍ. با کەس غەڵەت نەکەرۊ، هیچ هامڕاێوە هومێد سەروو ئاکەپە-مەهەپەی یان هامپەیمانییەکاو ئیساتۍ ورنەچنۊ. ئانۍ هومێدشا هورچنیەین گنا غەڵەتۊ،  مشۊم گرڎما پەرەسانەیا وانمیوە و ورشا سەنگنمۍ، گرڎ کەس وێش ئامادە کەر و وێش ڕێک وزۊ، بەیدۍ وێما گێرمۍ، حەتمەن سەرۍ گنمۍ. ئەگەر ئاکەپە بە ورچنیەی دلێنەشیۍ، قۊناغێوە درێژخواینی سیاسی دەس پەنە کەرۍ. ئیساتۍ شانش و فرسەتی ئاڵتوونی هەن ئارانە دژوو راوەبەریی ئاکەپەی شۊڕشێوە دیموکراتیک و دژەفاشیزم و ڕادیکاڵ سەر گنۊ. گرنگ وەڵیوەبەرڎەیشا، پەی بەدەسئاورڎەیش کۊشیەیمۍ، داوا جە گرڎوو هامڕایا کەروو بەشدارۍ با ".

بەشوو دووەموو ورسەنگنایەکاو ئەنداموو کۊمیتەو ڕاوەبەریی پەکەکەی دوڕان کاڵکان پێسنەن:

مشۊم درێژە بە هەبەدەهە بدەیمۍ و گەورەش کەرمێ

غەڵەتۍ و کەموکەسریێما بیێنێ؟ بەدڵنیاییوە بیێنێچ. مشۊم بە ڕەخنەوە بژیومۍ ڕەخنەی هامڕایانە بەڵام مشۊم درێژە بە هەبەدەهە بدەیمۍ و گەورەش کەرمۍ. بەتایبەتی مشۊم هەنگامەی عەمەلییە بنیەیمۍ، کەمکاریما بییەن، ئشیا جەنگما گرڎ لایوە وەڵا کەرڎێوە، مدرامانما بەرڎۍ دلۍ گرڎوو شارەکا دلۍ خەڵکی هەرمانەکێما سنوورڎارۍ بێنۍ. هەڵبەت جە قۊناغی ویەرڎەنە وێگێرتەرین ڕێکوزیا هەبەدەهە بۍ. چی قۊناغەنە مشۊم زیادتەر بەرەو وەڵی بلۊ و گەشە کەرۊ. داوا جە گرڎوو شۊڕشگێڵنا کەروو کە پەی ئەرەمەرزنای یۊبییەی شۊڕشگێڵنی، ڕێکوزیاێوە پێسە جمیەری شۊڕشگێڵنوو گەلا (هەبەدەهە) یۊ گێرا. قۊناغەکە ئینەیە موازۊ. مشۊم پێسە ونیۊوە. پێسە پەکەکەی تا سەر ئینایمۍ چەنی چیوێوە چینەیە. گەرەکمانە چەنی گرڎ کەسێوە کە ئاواتەوازۍ شۊڕشگێڵنیی ئاکتیڤ و چالاکینۍ، یۊبییەی شۊڕشگێڵنی وەش کەرا.

گێرا بڕیوە جیاوازییما با. بەدڵنیاییوە ئینە پێسە وەربەسۍ وەرڎەموو یۊگێرتەیی وکۊشیای هامبەشینە مەنیەیمێرە. بڕێوە چێوۍ ڕووەشا دا، بڕێوە مشتومڕۍ کریۍ، ئینۍ ویەریا و ملا. داوا جە گرڎوو دۊساما کەروو بەهەستاریوە، بە پاو پەنەوازیی قۊناغەکا جماوە، ئینە فرە گرنگا یۊبییەی شۊڕشگێڵنیی فرە گرنگا، مشۊم ئینسان فرە پەشتی بە سیاسەتی نەبەسۊ. مشۊم ئینسان واتەی سیاسەتی یاساییش لاوە وەسۍ نەبۊ. جە قۊناغی ویەرڎەنە ئەگەر پەرەساناۍ پێسنۍ بیێنۍ،بۊنەو ئانەیۊ کە یۊبییەی شۊڕشگێڵنی و هامپەیمانیەتیێوە پێسە هەبەدەهەیش پەشتیوە بۍ. بەڵۍ زەحمەتی فرەما دی. ماچمۍ بڕێوە غەڵەتێچما کەرڎۍ، وەلۍ دیسان ئانەیچ کە کۊشیاکەیش مەرزناراوە هامپەیمانییەتییەکە بۍ.

ئامادێنمۍ گرڎوو هەرمانەکاما پۊڕنمێ

چیوە ئێمە داوا جە هەبەدەهەی کەرمۍ دەکەین کە هامپەیمانییەتیێوە گرڎوو شۊڕشگێڵنا وزۊ یۊ،  بۍ دما کەوتەی وزۊ ڕا، ئێمە ئامادێنمۍ چێشما گنۊ گەرڎەن پەی ئەرەمەرزنای هامپەیمانییەتیێوە شۊڕشگێڵنی بە گرڎوو قووەیماوە کەرمێش، پێسە پەکەکەی چندین قۊرتێچش بەیا وەروو دەمی متاومۍ لاشا بەرمۍ تا ئائامانجا بپێکمۍ.

جە ڕووەو بەرەو سیاسەتوو دیموکراتیکیچۊ مشتومڕێوە هەن. یەکەم ڕەخنەی سەرەکییچ ئادیشا دەس پەنە کەرڎ. واتشا دماو ورچنیەی ئێمە دۊخوو شەوەو دماو ورچنیەی ورسەنگنمۍ. فرە خاس بۍ ئێمە ئانەما بە مانادار و خاس وینا، ئادۍ بە قووڵکەرڎەیۊ ئانەی کە درێژەش مدا پەنە و ئا دۊخەیچە خاس بەر گنۊ.  بەڵام مشۊم خاستەر وریۍ بیمۍ، ئینجا مشۊم فرەیچ دما نەگنۊ. مشۊم خاس هاگاما جە وەختی بۊ. ڕیتموو جمای ئادیشا بەرزا. فاشیزم بە ڕیتمۍ بەرزۊ بەرڎەواما. پەوکای مشۊم جمیەری دیموکراسی پێسنە بۊ. مشۊم بتاوۊ ئانەیە بە پاو پەنەوازییەکاو قۊناغەکەی ئامادە کەرۊ، مشۊم وێس چا دۊخا دوور وزۊوە کە شکسش تووش کەرا، وەشا ئینسان جیای ڕەخنەگێرتەی ڕەخنە جە وێش گێرۊ، ئی ورسونیشتاو ڕەخنەجەوێگێرتەیە بە جەوهەری ئامۍ ئاراوە، خاسێنی وەلۍ شێوەشا نییام وەلۍ کە زوانشا نەگونجیان یانۍ ئیتر هیچ. ئینە پێسە مەبۊ، مشۊم بابەتە بنەريتییەکانە وەنەپەرسایۊع و سەرەڕاسکەرڎەیۊۍ با، ئانەیە بە گرنگ وینمۍ.

مشۊم گرڎوو پێکئامایەکا بەشداری چی قۊناغەنە کەرا

پەی فاڕای گلێرگەی، مشۊم ئەوڵ وێتا بفاڕدۍ، ئینە گرنگا وەلۍ شمە بە پاو کام خەتۍ وێتا فاڕدۍ ئانە گرنگا. هەڵبەت مشۊم چا ڕێنە هیچ غەلەتێوە نەکریۊ. پەی نموونەی کە منویسدۍ، ئانە هەدەپەن، پارتوو چەپی سەوزی، پارتێوە کورڎیین. چێوۍ چانە نییا ئاندە ئێمە زانمێش ئانۍ پارتێوە تورکێچنۍ، مشۊم گرڎوو پێکئامایەکا یۊی گێرا، مشۊم هیچۍ غەڵەت نەنویسیۊ.

ئینە ورسەنگیۊ ڕاسا. پیمەرۍ دەوڵەتبییەی جە سیاسەتنە فرەتەرۍ بیێنۍ. ئانە بۊ بە سیاسەتێوە بە پاو دەوڵەتی. جە ڕێکوستەینە و لوای دلۍ گلێرگەینە گۊشگێرتەی خەڵکینە و چەنیش مامەڵەکەرڎەی هەست بە لاوازیی مەکریۊ، جە لوای پەی لاو ژەنانە گەنجا و کرێکارانە کەمما ئارڎەن، ئینە گلێرگەوە پەیما ئامانۊ ئادۍ زانا ئێمە ئانیشا بە گرنگ وینمۍ پەوکای ماچاشا.

سیاسەت بە قورساییوە بەرەو ورچنیەی بریا. دماو ورچنیەیچ بڕۍ قسۍ کریۍ، بڕۍ ڕێکوزیۍ دەورشا نەگێڵنا، ئانۍ گرنگێنۍ. پەی نموونەی هەدەکە و دەتەکە. بەڕاسی ئانە هێماو بڕیایرەین جە گلێرگەی. ئادۍ هەرمانەشا نەکەرڎە. ڕێکوزۍ ناکارۍ هەنۍ پەی نموونەی پارتوو هەرێمە دیموکراتیکەکا نامێش هەنە، وەلۍ دەورش نییا. نەزاناما چێش هەن و چێش نییا. وەلی وەختۍ ئەرەمەرزیا، پەیامێوە ئەرەیاونیا. ئەشیا هامپەیمانیی کورڎاش بەرەو وەڵی بەرڎۍ.

ئینسان تاوۊ هامپەیمانی کورڎا زیدتەر کەرۊ، بەس نەک بە دزی و لاوازکەرڎەی ئەوی تەری مشۊم دەوروو کەسی نەوزیۊ وەڵۍ ئاخر چێوۍ چینێما دیێنی، مشۊم پڕۊژەکە بەتەمامی کریۊ. گرڎ جەوهەرۍ شیوەو وێش خولقنۊ و دلێشەنە مژیوۊ. بە جەوهەروو وێس نەبۊ مەتاوۊ فاڕۊشۊ پەی دلۍ ژیوای، پەوکای ماچمۍ ڕای یەرەمە، سیاسەتی دیموکراتیکا دیموکراسیی گەلان، ئێمە بە پاو ڕۊحوو ئانەیە فۊڕم و چوارچووەو وێما وەڵۍ وزمۍ.

جە ویەرڎەنە هەدەپەیچ گرڎ یاگێوەنە وێش ڕێک وست. هەم هەرمانەو هەدەکەی و هەمیچ دەبەپەی وزیا دماوە. لاۍ تەرۊ من باسوو بابەتوو هامپەیمانییەتییەکام کەرڎ، ئەگەر هەن هامپەیمانیی ڕەنج و ئازادییچ وزیۊ دلۍ بابەتەکەیۊ، ئانەیچ گهەرمانێوە فرە خاسەنە، جە مەیدانوو سیاسەتی دیموکراتیکینە کۊشیای هامبەشوو گرڎوو گەلاو تورکیای و کورڎسانی فرە گرنگا. پەنەوازش بە هامپەیمانییەتیێوە چینەیە هەن، پێسە هامپەیمانیی چەپ-دیموکرات بۍ ئاراوە، هەمان وەختنە وێش بیاونۊ بە وەرفراوانتەرین هامپەیمانیی دیموکراتیکی.

ئۊپۊزسیۊنی سەرەکی، هامپەیمانیی ڕەنج و ئازادیین

دۊخوو جەهەپەی ئینا وەرەچەماوە، ئیتر ئۊپۊزسیۊنێوە کە بۊ بە یاگەداروو فاشیزمی هامپەیمانیی کۊماری تەیب ئەرڎۊغانی نییا. بڕۍ چانیشا کە پەرلەمانتارێشا بەرڎێنۍ پەرلەمانۊ، جەهەپە هەن، مشۊم گەورە نەکریۊوە، ئانەیچ کە سەرەکیین، بەڕاسییچ ئۊپۊزسیۊنی دیموکراتیک سەروو خەتەو یەرەمیوە ئەرەمەرزیان، جمیەری دیموکراسیین. دما جارنە پێسە هامپەیمانیی ڕەنج و ئازادی ئاما مەیدانۊ. مشۊم بەشە گەورەکا، گرڎوو گەنجا، ڕەنجدەرا و کڕێکارا، ئیسلامی دیموکراتیکیچ دلێشنە، گرڎوو مەیلە باوەڕی و ئایینیەکایچش گێرۊ وێش. مشۊم نەک هەر چەنی حیزبەکا، چەنی گرڎوو بەشە ڕێکوزیایەکاو گلێرگەی ڕێککەوتەی کریۊ، مشۊم گرڎوو گلێرگەی جە ڕاو هامپەینیوە کە ڕێکۍ نەوزیێنۍ ڕێکۍ وزیا. زەروورا کە سیاسەتێوە چینەی هامپەیمانی بە درووستەر و بەقووەتتەر  پەیڕەو کریۊ و  پەروەرڎە کریۊ وێش پێسە یاگەداروو سیستمی فاشیستیی ئیسەی بەرەو وەڵی بەرۊ، بەڵکوو لەگەڵ هەموو بەشە ڕێکخراوەکانی کۊمەڵگاشدا هاوپەیمانی ساز بکرێت. نەک هەر ئەوە، پێویستە لە ڕێگە سیستم دماتەر وەش کریۊ. هومێد کەروو ئی نۊعە وەڵیوەر بەرڎەی بەرەو وەڵی بلا و سەرۍ گنا.

پرۊسەو ڕەخنەگێرتەی بۍ دماکەوتەی، مشۊم بیاویۊ بە ئەنجام

مشۊم پڕۊسەو ڕەخنەی دما نەگنۊ، بدیەیدۍ وەراوەرەکەیما پێسە مەکینەی سەیستموو وێش وەڵێوە بەرڎ، وێش دیارا کە وەڵیوە وێشا ئامادە کەرڎەن، وێشا مەرزنارە و کەوتێوە هجووم کەرڎەی.

فاشیزم هجوومۍ کەرۊ، فرە فرەیچ هجوومۍ کەرۊ، بێگومان ئەوەڵۊ هجوووم کەرۊ سەروو پەکەکەی، سەروو گەریلای، سەروو کورڎی گەنجا و ژەنا، کورڎ کریان ئامانج. وەلۍ نەک ئادۍ هجووم کەرا سەروو گرڎوو هێزە ئازادیواز و دیموکراتیکەکا تورکیانە. ئانەیچە وینمۍ. ئادێچۍ بەشیوەنۍ جە ئامانجەکەی. چا ڕووەوە وینمۍ کە فاشیزم هجوومۍ تندتەرۍ کەرۊ. هجوومۍ ئەرەگیریۍ جبەرۊ و دژوو پارجەکای تەروو کورڎسانیچ بەرۊ ڕاوە، فشار، ستەم، گێرتەی و چەوسنایۊ هێزە دیموکراتیکەکا و کورڎایچ، دژوو ژەنا و گەنجا زیادتەر هجووم کەرۊ. ئا هجوومۍ شێوەو سەروازی، پۊلیسی، ئابوری و چانەیچ گرنگتەر جە ڕووەو ئایدۊلۊجییوە بەرۊشا ڕاوە. هونەر، پڕوپاگەندەی و پەروەرڎەی بەکار مارۊ. جە هامپەیمانیی ئاکەپە-مەهەپەینە هیچ بەرهەمێوە تورکیای کەمالیستی نەمەنەنۊ. فاڕیان، دەوڵەتێوە تازە ئەرەمەرزیان. دەوڵەتێوە ئاکەپە-مەهەپەی هەن. ئیساتۍ کورڎسانیچنە کۊنتراێوە چانە زیاد کریۊ. گەورەتەرین هجووم جە ڕووەو ئایدۊلۊژیوە بەرۊ ڕاوە. کۊڵۍ هونەرڎمەندۍ ساختۍ کە پڕوپاگەندۍ کەرا وزیۍ وەڵیوە، سەدان و هەزاران کەناڵۍ تەلەفزوێنیۍ هەنۍ، گلێرگەی پاکتاو کەرا. وەروو ئانەی خەریکۍ پڕوپاگەندەینۍ وەڵۍ وزیا. بە سەدان و هەزاران کەناڵیۍ تەلەڤزیۊنیۍ هەنۍ، کە گلێرگەی پاکتاو کەرا. وەروو ئانەی جە ڕاو میدیایۊ مەژگوو خەڵکی فاڕا و شۊراوە، مەژگی تۊرانپەرسی و نەژادپەرسی وزا یاگێش، بە فاشیستکەرڎەی چیوە وزا وەڵێم ئادۍ تەمادارێنۍ فاشیستبییەی بە ئەرەمەرزیای کەرا، پێسە گەرەکشانە دوژمنەکاشا سڕاوە، پەی ئانەیچ دەس پەی گرڎوو ئامرازەکا بەرا، دپلۊماسینە پەی نموونەی ئاوی بۊ بە چەک، ئیساتێنە دژوو سوریاینە، عێراق پەی قڕکەرڎەی و خنیکنای ئاوەو کورڎسانی کەرۊ بە کارت.

دژوو فاشیستکەرڎەی کۊشیای ئێمەیچ تندتەر بۊ

بەئەندامبییەی سویدی ناتۊنە کەرۊ بابەتوو بازرگانی و سات و سەودای. بەئەندامبوونی سویدی جە ناتۊنە ناتۊی و ئەورووپای وزۊ سەروو خەتەو وێش. ئاکەپە- مەهەپەی فاشیست گەرەکشا ڕژێموو ئەورووپای فاڕۊ پەی ڕژێمێوە کە چەتەگەریی ئادی قبووڵ کەرۊ. بڕێوە ماچا پەی ئانەیە کە پەیوەندییەکاو وێش چەنی ئەورووپای وەرنیشتی بەرۊ وەرۊ، ئی حوکمەتەشە ئەرەمەرزنا، مشۊم ئێمەیچ پێسە وینمێش. ئاد پەیوەندییەکاش چەنی وەرنیشتی بەرۊ وەڵێوە و کورڎا، ژەنا، گەنجا، چەپگەرەکا، سۊسیالیستەکا و دیموکراتەکا سەرکوت کەرۊ. وەختێوە حوکمەت ئادێش چەوسنیوە و سەرکوتێش کەرڎۍ، ئا وەختە متاوۊ چەنی وەرنیشتی ڕێک گنۊ و پەیوەندییەکاش گەشنۊوە، چێوە ئاشکران کە وەزیرەکێش کێنۍ، ڕاوێژکاروو میتیی بیەن بە وەزیرووو بەری، سەرۊکوو فەرماندیی گرڎینی بییەن بە وەزیروو وەرگێری، ئەوۍ تەرێچۍ هەر پاسە. مشۊم جارێوە تەر ئانەیە وینمۍ و دەمودەس جممێوە و ئامادۍ بیمۍ و ڕەخنە گێرمۍ و وەرگێرییچ کەرمۍ، تا مدرامانی دیموکراتیکی دژە-فاشیست بەرۊ ڕاوە، جە وێگیریی و مدرامانی چێش خاسا کەرمێش. جیا چانەیە هیچی تەر مەکریۊ، مشۊم مدرامان زیدتەر و کۊشیای زیادتەر کەرمۍ، پەی ئانەی جمیەرەکەی و خەڵکی دلێنە بەرا گرڎ چێو کەرا مشۊم مدرامان زیاد و زیادتەر کریۊ.

پەی پووچەڵکەرڎەیۊ فاشیزموو ئاکەپە و حزبیکۊنترای، کە ملووو کورڎارە سەپیان، ئێمە کۊشیای هۊشمەندی، هونەر، ئەدەبی بەرەو وەڵۍ بەرمۍ. جەنگ بە سەبکی تازە و نبە ئامانجی تازە بەرەو وەڵۍ بەرمۍ بە کۊشیای سیاسییچۊ، ئیسەنە جگە ئانەی هیچی تەرما نییا وەروو دەسینە. ئێمە ئانەیە کەرمۍ و پەی وێما و چەنی هامپەیمانایچما کەرمێش. هەڵبەتە بە هامپەیمانی  و پێسە کۊشیای شۊڕشگێڵنی کەرمێش. مەیدانوو سیاسەتی دیموکراتیکی بەرمۍ ڕاوە، نەک پێسە وەڵۍ فرەو چێوا چێولای ورۍ سەنگنمۍ. بەتایبەت مەیدانوو سیاسەتوو دیموکراتیکی مشۊم زیادتەر ورسەنگیۊ. ئەگەر هەن تووشوو دۊخی تازەی بیمێوە مشۊم وێتا ئامادۍ بکەرڎۍ. ئیسەنە مدرامان چە ئامانجێوە بەدەس مارۊ ئێمنە وەڵێنە ورما سەنگنا،  پێسە ئەنجامێوە کۊشیای ورچنیەی ئاما ئاراوە و  پڕۊسەو ورچنیەینە ئانە بەقووەت بی پێسە شکڵوو کۊشیای ئانە قەرار بۍ ورش گێرمۍ ورما گێرت، بەڵۍ بەفاشیستکەرڎەی هەن، وەلی زیاد جە نیمەو تورکیای نیاش چەنی و دژشا و جگە ئانەی گرڎوو کورڎا دژێشنۍ، جگە جە بڕێوە بەکرێگیریایا و کۊنترایا، گرڎ دژێشنۍ. جگە جە خیانەتوو پەدەکەی و حزبیکۊنترا گرڎ کەس دژشا. بەر کەوت تورکیایچنە دژایەتییوە گەورە هەن، مشۊم خاس ئانەیە وینمۍ، بەڵی ورچنیەینە ڕاوەبەرایەتییۍ تازە ئەرەمەرزیا، بەپەلە ڕاوەبەرایەتییۍ خولقنۊ فرسەتەکاش بەکار مارۊ وزۊشا ئامادەباشییوە و هجوومۍ کەرۊ. خەڵ ئجۊش کە ئاکەپە-مەهەپە قەوەتۍ بیێنۍ بەتەمامی پاسەیچ نییا، مشۊم بڕوا نەکەرمۍ لایەنە لاوازەکێش هەڵایئ فرێنۍ. ورچنیەی چێوۍ فرێش وستۍ وەرەچەما دیتا فاشیزم چن دژێش هەنۍ. دیتا مدرامان دژوو فاشیزمی بناغە و جەماوەریی گەورەش هەن ئینە فرە فرە گرنگا. 

قەیرانەکۍ تا مۍ گەورەتەرۍ با

ئاکەپە و مەهەپە و هامپەیمانیی کۊماری هەوڵۍ مدا هجوومەکا زیادتەرۍ کەرا ، چونکوم خاڵۍ لاوازیشا هەنۍ، ڕاسییەکەش چینێوە گرنگ هەن کریۊ هێزە دیموکراتیکە شۊڕشگێڵنەکۍ ڕێکێشا، هانییش دێنۍ پەی وافرکەرڎەی هامپەیمانیی کۊماری. ئیتر دزی و بەرژەوەندیی تایبەت و وێرانکەرڎەی و تاڵانی زیادشا کەرڎ .چەنی زیادبییەی دزی و  بێگومان جڤاک ئتر ئینەیە قبووڵ مەکەرۊ، قەیرانەکۍ تا مۍ فرەتەرۍ با، پەی مرڎانی ئینەیچە، پەنا بەرانۍ وەروو سەپنای جەنگی دیسان فرەتەرۍ باوە پەوکای مەتاوا یەک وەختنەقەیرانی سەروازی و ئابووری ویەرنا و ئی دووە قەیرانۍ با بایسۍ قووڵبییەیۊ قەیرانی ئابووری. ئیتر ئیدارەکە نمەتاوۊ ئینەیە ویەرنۊ، پەوکای قۊرتەکاو دلۍ فرۍ با و پەوکای گێرا دماتەرنە سەرە کێشنا پەی پشێوی.

تەرسەو سەرەورڎای جەنگوو دلۍ، تورکیانۍ تەرسێوە فڕێنە

جە لاێوە تەرۊ، باس جە چالاکیی دیپلۊماسی کەرۊ، وەلۍ گێرا حەوڵۍ بدۊ فشار وزۊ سەروو سووریا و عێراقی، پەی نموونەی کۊمکاری عەرەبی دەش بە جمای کەرڎەن، عێراق و سوریا متاوا دژۍ تورکیا مرڎاوە، ڕەنگە هامپەیمانی بەسا پای بڕێوە بەرژەوەندییا. وەلۍ پێسە بازنە لیبراڵەکا و لایەنگێراو ئاکەپەی ڕۊشنش کەراوە، ئەم حوکمەتە مەتاوۊپەیوەندییەکاش چەنی وەرنیشتی ڕاسۍ کەرۊوە، تەنانەت ملەملەکایچشا ڕاسۍ کەرۊوە، ئی ملە ملۍ بە شێوەی جیاواز بەرڎەوامۍ با جە چوارچووەو جەنگوو ئۊکراینینە بەکوڵی ملەملە هەرێمی و جیهانییەکۍ درێژەشا بۊ. چانبەی گرنگتەر ملەملەکاو دلۍ و قەیرانەکۍ و پەشێوییەکێنێ. بۊنەو ئینەیۊ فاشیزم سەرکوت و تیرۊر قەوەتتەر بۊ کۊکوشی زیادتەر و  جەنگ سەختتەر بۊ..

پێسە وەڵێنە واتما و ماچمێچشۊ، هەرپاسە پەی ورچنیەیەکایچ ئەوەخوایما کەرڎۊ، ئەگەر ئاکەپە و مەهەپە یاواوە بە دەسەڵاتی و حکومەتی ورگێراوە، تورکیا بەرەو جەنگوو دلۍ بەرا. ئیسە تەرسەو جەنگوو دلۍ تەرسێوە گەورێنە. جەهەپە گەرەکشا ئینەیە کەمتەر کەرۊوە، وەلۍ کەس مەتاوۊ بەرۊش ڕاوە، قەیران و خەمۊکی و پشێوی گۊش مەدا پی وەزعۍ، هەرمانە کەرا پەی چالاککەرڎەیۊ بنکەی جەماوەری، پەی سووککەرڎەی ئی بارەیە، جەنگوو دلۍ و جبەری دژوو کورڎسانی پێسە وەڵی هەس بۊوە. وەلیب ئی جارە پریشکۍ ئاویرەکەی یاواوە تورکیا، چونکووم بەشبییەکەی ئاشکرا بەرکەوت، ئەرڎۊگان تورکیاش دان دەسوو مەهەپەی و کورڎسان دەسوو حزبوڵاو کۊنترای، ئینەیچە هانیشا مدۊ پەی جەنگوو دلۍ، پەی مەنەیۊ دەسەڵاتی تورکیا بەروە ئاڵۊزی و زەحمەتی زیادتەری ملۊ. گرڎتا مشۊ ئینەیە بزاندۍ تەنانەت وەختێو ە دژوو ئاکەپەی مەهەپەی مرڎدێوە مشۊم ئینەیە بزاندێ.

ئێمە پێسە شۊڕشگێڵنی و دیموکراتیکەکا، مشۊم پێسە هێزێوە کاریگەری وێما ئامادە کەرمۍ پەی کۊشیای، مشۊم بە ژەنی و بە گەنجۊ وێما ئامادە کەرمۍ، بە کرێکار و ڕەنجدەرۊ، پەنەوازا گرڎما بەشدارۍ بیمۍ جە مدرامانی دیموکراتیکی دژوو فاشیزمی. بەتایبەت گەنجۍ جەنگوو مدرامانی و وێپاریزنای ڕێک وزا دژوو فاشیزمی، مشۊم گەنچۍ چالاکتەرۍ و کۊشێی تەرێبا دژوو فاشیزمی، مشۊم گەنجۍ پەرەسانۍ با گرڎوو قەوارە جەماوەرییەکا چینۍ با، مشۊم پێسە وێما ئامادە کەرمێ. با گرڎما دووڕی بیمۍ جە غەڵەتی مەبۊ هیچ هومێدیوەما بە ئاکەپە و مەهەپە و ئی هامپەیمانییەیە بۊ. ئانۍ پاسە کەرا غەلەتێنۍ، مشۊم گرڎما پەرەسانایەکا نرخنمۍ و وانمێوە و خاس خاسۍ وێما ئامادە بکەرمێ. ڕووە کەرمۍ مدرامانی و ئەگەر ئاکەپە ورچنیەینە شکسش ئارڎێ. قۊناغێوە سیاسییی تازە و درێژخواین ئی ئاراوە. ئیسەنە فررسەتۍ و بوارۍ مەزنۍ هەنۍ پەی سەرکەوتەی شۊڕشی دیموکراتیکی و  ڕادیکاڵی دژوو فاشیزمی و ئیدارەو ئاکەپەی گرنگا پەرەش پەنە بدریۊ. پری ئینەیە کۊشیەیمێ. داوا جە گرڎوو هامرایا کەرمۍ بەشدارۍ کۊشیای هامبەشی با.   

خەتەو کۊشیایما خەتەو فیداکاریینە

مانگەو حوزەیرانی گەشمەرڎۍ گەورۍ بێنۍ، مانگەو کۊشایی گەورەینە و مانگەو فیداکاریینە. چی مانگێنە هامڕێما سیما جە ١٧و حوەزیرانینە گەشمەرڎۍ بییە، هامڕای فیداکارەما گوڵانە جە ٧وو حوزەیرانینە گەشمەرڎۍ بییە،ئینجا جە ٣٠ حوزەیرانینە یادوو ٢٧ ساڵەو فیداکارییەکەو هامڕا زیلانێمانە، جە کەسێتیی هامڕایا سیما و زیلان و گوڵانێنە، بە ڕێز و وەشەویسی و سوپاسۊ یادوو گرڎوو گەشمەرڎا کەرووە وەختێوە چی مانگێنە گفتووگۊ کەرمۍ، ئەوەڵوو ئی مانگێنە هامپەیمانییەکەو ئۊرڎوگانی دەسش گێرت ملوو گرڎوو  ئیمکانەکاو دەسەڵاتیرە، تاوو بە گرڎوو ئانیشا واچوو کە پەرسا "ئاخۊ کۊشیای دژەوو کۍ کریۊ؟ ئاخۊ متاویۊ وەرگێری کریۊ؟ متاویۊ چێش کریۊ؟": ئانۍ کە پێسە زیلانۍ کۊشیا، جە گرڎوو بارەکانە سەروو خەتەو سەرکەوتەی ملا ئی هەرمانۍ زەڕش نییا جەنە و مادییە نییەنە بەڵکوم پەرە پەنەدای ڕۊحی و کۊشیای و وەڵیوەبییەن بەرەو سەرکەوتەی ئی هەرمانۍ جە دڵ و سۊز ۊ سەرچەمە گێرۊ هەرمانەو قارەمانێتی و فیداکاربییەین.    .

ڕابەر ئاپۊ تەڤگەریوە چیبەش خولقونا، تەڤگەروو ئازادیی کورڎی پەی ماوەو ٥٠ ساڵا پی هۊشیاری و گیانۊ دژوو هجوومەکاو فاشیزمی و کۊڵۊنیاڵیزمی و زۊرڎاری مرڎێوە، جەئەدابییەیۍ گەورە و مەزنش خولقنا، ئیسەیچ هەوڵۍ مدۊ جە ڕاو  "ژەنۍ، ژیوای، ئازادی"ـیوە، ئی درووشمە جە ناوەندە سەرکوتکارەکانە وەڵا کەرۊوە، جە گرڎوو بەشەکاو دنیێنە، ژەنی سەروو بناغەو ئازادی دەوروو وەڵیوەبییەی گێڵنا جە ئازادیت و دیموکراسینە، بناغێوە ئەرەمەرزنا پەی کۊشیای چی نۊعەیە، ئی خەتۍ خەتەو فیداکاریینە.  

چی مانگەو فیداکارینە، کەس بە ڕەخنەگێرتەی وچکلە مەبۊوە: توانامان هەنە، با سەروو بناغێوە ئۊبژەکتیڤیوە بۊ، بێگومان چیوەکا وەرەچەم گێرمۍ، بەڵام ڕۊح و باوەڕوو شۊڕشگێڵنی گرڎ چێوێوەنۍ، با خەتەو فیداکاری زیندە کەرمێوە، جە ڕاو گیانی فیداکاریوە متاومۍ گرڎ چێو کەرمۍ ئێمە بۊ بە بناغەو ڕەخنەگێرتەی و ئێمنەیچ کەرۊ بە فیداکار. 

فیداکاری تەنها قەتیس مەبۊ جە شۊڕشگڵنە پرۊفیشناڵەکانە، بەڵکوم وەڵاتپارێزنییچ هەر فیداکاریین، پەشتیوانی هەر فیداکاریین. چەمکوو فیداکاری یانۍ گرڎوو هێز و توانایت وزی هەرمانە پەی کۊشیای ئازادی و دیموکراسی، ڕابەر ئاپۊ سەدان و هەزاران وڵاتپارێزنێش خولقنۍ، ساعیبۍ گەشمەرڎا و وەڵاتپاڕێزانمۍ، ئئیسەنە گرڎ یاگێوەنە هەنێ.

چی حاڵاەتەنە ئێمە بە وێڕەخنەکەرڎەی گنمۍ وەڵۍ کۊشیای وەڵێنی چەنی ئەنجامەکاو ورچنیەی وزمی وەروو وەرپەرسبییەیۊ، خەتەو زیلانی و فیداکاریی سیمۍ بەدەس مارمێ.  ئی گیانەیە زیندە کەرمێوە و  سەرکەوتەی مسۊگەر کەرمۍ مشۊم ئی ڕاسییە پاسە وینمۍ چێگەوە پیمەری سەرەکیما فیداکاریین.

ئینەیچ ویەرنمۍ کە پەی بنیادنیایۊی و تازەکەرڎەیۊ ڕاسا و خاسا. بێگومانیچنا کە مۍ دی گرڎوو یاگەکا فاڕیا. مەبۊ هەمان کەسەکا پەی ماوێوە فرەی هەمان یاگنە با،فاڕیای سەرەمڕ زەروورا، بەتایبەتی جە سیاسەتنە، دوژمنەکێما پاسە کەرا، مەگەر ئەرڎۊگان کەسش یاگۍ وێشەنە ئاستەنۊ؟

سەروو ئاستوو فیڎاکاری قوربانی مدەیمێ

 

ئینە یانۍ ئانە نا مشکیلەو کەسەکا وزیۊ ڕووە پاشەکشۍ چینۍ ڕاس مەبۊ، فاڕێای و ورگێرتەی هەرمانۍ تازۍ زیادتەر پەنەوازێنۍ جە گەورەبییەی و یۊبییەی. مەبۊ پیمەرەکۍ پەی من کەمۍ با، مشۊم پرەنسیپەکۍ زیادتەرۍ با، با پەی گرڎیما با با جە ڕاو ڕەخنەیۊ ڕاسییەکا بوینمۍ. با یۊگێرتۍ بیمۍ و کۊشیای زیادتەر کەرمۍ جە ڕاو بەشکەرڎەی هەرمانێوە سەرۍ گنمۍ. ئەنجامدای ئینەی و بەدیئارڎەی سەرکەوتەی جە گرڎوو هەلومەرجەکانە خەتەو گیانوو فیڎاکارینە، وەڵاتپارێزن بۊ بە فیڎاکار، پەشتیوان کۊشەری شۊڕشگێڵن با بە فیڎاکارۍ، قۊربانیدای و گیانفیڎایی سەروو ئاستوو گیانفیڎایی بەرۍ گنا. گرڎ پێسنۍ با، ژەنی و گەنجۍ و ڕەنجدەرۍ و کرێکارێوەلاتپارێزنۍ و شۊڕشگێڵنۍ و دیموکراتیکۍ کۊشیا و چیوۍ پەی ئینەیە زیاد کەرا. با کەس نەواچۊ "چێوێم چی کۊشیایە دەس گنۊ، دۊخوو ژیوای ماددیم وەش کەروو، تاکایەتیی وێم مپارێزنوو" با تاکگەرایی دلێنە بەرمۍ، سەرمایەداری یانۍ تاکگەرایی، گەورەتەرین کارەساتش پەی ئینسانیەتی ئارڎ. پی سەبەبی پەروەرڎەی جڤاکی هەر گیانوو فیڎاکاریین. چونکوم تێکەڵبییەی بە جڤاکی یانۍ وێفیڎاکەرڎەی و بەشداری و هەوڵدای، ئینە تایبەتمەندیی مانگەو حوزەیرانینە، چەنی وێڕەخنەکەرڎەی و وەنەپەرسایۊ، کە گەرەکمانە چی مانگێنە پەرەش پەنە دەیمۍ، گیانی فیڎاکاریی تەڤگەرەکەیما و گەلەکەیما و هامڕایەکاما پەرە سانۊ و قووڵتەر و قەوەتتەر بۊ سەروو بناغەو دەرسە وەڵینەکا پی گیانە فیڎاکارییەوە، دژوو دیکتاتۊرییەتی و فاشیزموو ئەرڎۊگانی و هامپەیمانیی کۊماری مدرامان کەرمۍ و بێگومان سەرۍ گنمۍ، هومێدوو سەرکەوتەیتا پەی موازوو.  

س.ز