دوران کاڵکان، ئەندامو ڕاوەبەریی پەکەکەی ئەرەیاوناش، "فەرماندەیی ئێمە جە قەرارگەی ناوەندییوە واتش، ئێمە مزانیی مدەیمێ. مزانیی ئێمە بەپاو ماناو نەورۆزی بێ، تەرسی موزۆ دڵو کۆنەپەرساوە و هومێد مبەخشۆنێ پانیشا کە وێڵێنێ شۆنەو ئازادییرە".
دوران کاڵکان ئەندامو ڕاوەبەریی پەکەکە قسێش پەی کەناڵو میدیا هەبەری کەردێ و واتش: "گەریلا پەی ماوێوە فرەی بە یارای و فیداکاری و ئاردەینەوە جەنگیان و کۆشیان، بەردەوام گورزی قورسش ونەو ئەرەگیرا دان، جە مانگەو تشرینو یوەمیوە، تشرینو دووەمیوە گرد مانگێوە ئۆپەراسیۆنی شۆڕشگێڵنانەی گەورەش دژو فاشیزمو ئاکەپە-مەهەپەی کەردەن، بە دڵنیاییوە پاسنەن". ئاستێوە بەرزتەرنە فەرماندەیی ئێمە قەرارگەی ناوەندیوە واتش، ئێمە مزانیی مدەیمێ، مزانییەکەما بەڕاسی بە پاو ماناو نەورۆزین. هومێدێوە گەورەش بە گردلایێوە بەخشا. بەتایبەت کەسانێوە، کە شۆنەو ئازادییرە مگێڵانێ.
هەر کەسێوە متاوۆ تەکنیک بەکار بارۆ، زیاتەریچ متاوۆ دابین بکەرۆنێ
وەڵتەرێ سەروو فاشیزمو ئاکەپە-مەهەپەی واتما: وێتا مکەردێنە بە بابەتو بازرگانی، جە فڵان یاگەنە پەشتیوانی ورگێردێنە، پینەیۆ هجووم کەردێنە و بە هێزو وێتاوە منازدێنە، وێتا مزاندێ شمە بڕێ فرسەتتا دەس کەوتەن، ئامرازی تەکنیکیتا ئینا وەرو دەسانە، پیسەو دارێوە دژو گەریلای بەکارش مارانێ. مووشەکی پاسە گەورە پێسەو گوللێوە ئاراسەو کەسێوە مکریۆ بەکار بێ. تەنانەت شانازیی کەرانێ بە واتەی 'ئێمە دانما وەنە'. ئینە تەنیا پەی شمە نییا. یانێ تەنیا شبەمە نمەتاودێ بەکارش باردێ. سەوای کەسێ تەریچ بەکارش مارانێ، یانێ هەرکەسێوە متاوۆ بوێزۆشۆ و بەکارش بارۆ، یانێ تۆ چێش مکەری؟ پی قسا ئیساتێ هەپەگە، فاشیزمو ئاکەپە-مەهەپەی یاوا ئا ئاستەی کە باسما کەرد. پەی نموونەی ئینسان نمەبۆ بواچۆ 'سەیارێوەم دەس کەوتەن، تەنیا هینوو منا' و چەشەش چەنە وربگێرۆ. هەرکەسێوە متاوۆ بەکارش بارۆنە و زیاتەر چانەیچ دابین بکەرۆ. ڕاسییەکە ئانەنە کە چی بابەتەنە فرەو چێوا باس نمەکەرمێن. پێویس نمەکەرۆ چونکوم هەپەگە پەی وێش باسش مکەرۆ و ئانە، کە بەشوو ئێمەن مەبارەکبایین. مەبارەکبایی جە گردو فەرماندە و جەنگەواناو هەپەگەی و یەژا ستاری مکەرو، گردو ئا هامڕایا کە ئینەشا خوڵقنان. بەنامێ بەڕاوەبەری پارتیماوە هومێدو سەرکەوتەیشا پەی موازوون.
با گەلەکەما فرە خاستەر چەنی گەریلای یۆی بگێرانێ
گەریلا گرد وەخت هومێد و سەرمەشقو ئێمە بییەن، بەردەوام هومێد بە گەلی مبەخشۆ. پەی ئی نەورۆزەیە هومێدی قەوەتتەرش بەخشا. ئاویرو نەورۆزی نەک هەر سەرو زەمینیوە، بەڵکوم ئاسمانیچنە کریاوە و پا شێوە بەشداریێوە گەورەش نەورۆزو ٢٠٢٤ێنە کەرد. دیارا کۆشیای پەی ئازادیی نیشانەش دان، کە چندە متاویۆ بەهێز بکریۆ و پەرەش پەنە بدەریۆ. ڕاسییەکێ پێسنێنێ، بەڵام جارێوە تەر نیشانەش دا. ڕۆشن بییەنۆ و سەرمەشقایەتیی گەریلای سرمشقایەتیێوی لاواز نییا. گەلو کوردی و گەنجێ و ژەناو کوردی بە پەشتیوانیکەردەی گەریلای غەلەتشا نەکەردەن. هۆشیاری و ڕێکوستەی ئازادیی، نزیکبییەیۆ سەرکەوتەی بە کۆشیای گەریلای غەڵەت نەبییەن. تەنیا پەی ستایشی نەبییەن، یاگێ ئیساتێ گەریلای بەروزەو ڕاسییەکەی. مدرامانو زاپی و ئاڤاشینی و مەتینای، هەڵوێستی قارەمانانەو گەریلاکاو ئازادیی کوردستانین دژو هجومی فاشیستی، ستەمکار و قڕکەرەکا جارێوە تەر ئی ڕاسییەشە سەلەمنا. چێولایچ بەردەوام بۆ. با گەلەکەما بڕوێوە خاسە و بەرزەش بە گەریلای بۆ. پشتیوانی و هێزی زیاتەرشا پنە بدەیمێ. ئاندەی تەر چنی گەریلاکاما بیممێ بەیۆ. هەرکەس ڕێبازو گەریلای فێر بی، عەقڵیەتی گەریلاییش دلێنە پەیدا بی، خاوەنداریی وەنەو گەریلای بکەرا و بانە بە گەریلا، ئێمە سەرێگنمێ. ئی چالاکی، کۆشیای و قارەمانێتییە،بەروزو ئانەین. بەتایبەت پەی گەنجاو کوردی ئانە نیشاندەرو ئانەینە، کە جگە جە پلێ ئازادی گەریلای هیچ دەستکەوتێوە تەر نییا. ڕەنگا هێزەکە بەرەو وێش بکێشۆت. هۆشیاری بە گەنجا مبەخشۆ، بە ئاراستێوە دروسرە ڕاشا پەی ڕۆشنە مکەرۆوە. با بیمێ بە گەریلا، کۆشیەیمێ و سەرێگنمێ."
