دکتۆر ئەحمەد کاندیدی بەرشیەو یۊبیەی نیشتیمانی کوردسانی پۍ ئەنجوومەنوو پارێزگاو کەرکوکی، بە میدیاو حزبەکەیش ئەرەیاۋنا:" شەوەی ۋیەردۍ جە حۊڵېوە تیرۆرکەرڎەی ڕزگارم بی".

چا بارۆ ڕۊشنش کەردۆ: "چنی چن هامڕێوەم پېوەرە بېنمۍ، بەڵام یۆ چا ترۊمبېلا کە پنەما بۍ ڕاستەوخۆ فیشەکېوەش دریان ۋنە، پاسە گومانەشا بەردېنە کە من ئینانا دلۍ ئا ترۊمبېلەینە.

نامبریا ئاماژە پانەیچ کەرۆ فیشەکەکە ڕاستەوخۆ نریان ترۊمبېلەکەیۆ، گوومانە کریۆ مەرامێوەش پەشتیۆ بیەبۆ، پۍ ئا مەبەسیە هێزە ئەمنیەکۍ دەسشا کەرڎەن بە ۋنەکۊڵیای.

 ئەحمەد کەرکوکی یۆ چا کەسانە کە وەڵتەر چنی ڕەوتە ئیسلامیەکا پەیوەندیش بیەن، بەڵام وەڵۍ هۊرچنیەکانە، پەیوەندیش بە یۊبیەی نیشتیمانی کوردسانیۆ کەرڎ، سەروو لیستوو هامپەیمانی کەرکوک هێز و ئیرادەمانە ۋېش هۊرچنی، تاواش دەنگی پێویس بارۆ پۍ ئانەی بۆ بە ئەنداموو ئەنجوومەنوو پارێزگاو کەرکوکی.