مانگێرتەی جە وارڎەی  چوارچوەو هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پەرسەو کورڎ"ی ملۆ ڕاوە. چندین یاگاو سەرنیشت و وەرکەوتوو سوریاینە بە چالاکیێ جیێ بەشدارێ هەڵمەتەکەی با.  

کانتۆنوو فوراتیچەنە گەل دەسش بە  مانگێرتەی جە وارڎەی کەرڎ. سەدان  ئەرەنیشتێ کانتۆنوو فوراتی بەشدارێ مانگێرتەکەی بێنێ، کە مەجلیسوو بنەیانەو گەشمەرڎا مەیدانوو گەشمەرڎە عەگیدینە دەسش پەنە کەرڎەن.

 چالاکییەکەنە، هامسەرۆکوو تەڤگەروو جڤاکی دیموکراتیک (تەڤ-دەم)ی کانتۆنوو فوراتینە، ئەنوەر موسلیم واتش، ئامانج جە هجوومەکا دلێنەبەرڎەی کورڎا و پڕۆژەی دیموکراتیکین.

جە  چالاکییەکەنە، ئەندامەو ڕاوەبەریی کۆنگرەو ستاری، خوناڤ خەلیلە، هەرپاسە یاگەدارەو هامسەرۆکایەتیی کانتۆنوو فوراتی، مزگین خەلیلە قسێشا کەرڎە، داواشا کەرڎە  پەی گەورەکەرڎەی کۆشیای دژوو هجوومەکا.

هامسەرۆکوو مەجلیسوو کانتۆنوو فوراتی، مستەفا عەتۆ، هجوومەکەش شەرمەزار کەرڎ و واتش ئامانجوو هجوومەکا دلێنەبەرڎەی گیانوو کۆشیای گەلوو هەرێمەکەی و چالاکاو مانگێرتەین جە وارڎەی.

قەرارا چالاکییەکە تا سەوای بەرڎەوام بۆ.