ئێشکگیری مڏرامانی ماوەو ٣٤ ڕوان جە دژو هرووژمەکا دۆڵەتو تورکی ئەرەگیری و چەتەکاش سەرو سردەو قەرەقۆزاقی و بەندواو تشرینی بەردەواما. جە بەردەوامی مڏرامانو گەلینە ئارۆ کارەوانێوە تازە پەی مڏرامانو بەندواو تشرینی کۆتێ ڕا.
گەلوو سەرنیشتوو و وەرکەوتوو سووریای پەی پارێزناو بەنداو تشرینی و هرووژمە ئەرەگیرییەکا سۆڵەتو تورکی جە ٨و کانوونو دووەمینە جەم بە جەم جە ئێشکگیری پارێزناو بەنداو تشرینینە ئیشگیری هورگێرانە.
ئی جە لە شارەکا حەسەکەی، تل تەمر، دەرباسیە، تل براک و شەدادێی کانتۆنو جزیرەی بە دەیان کەسێ پەی لوای بەنداو تشرینی جە چوارڕێیانو پانۆراما جە شارو حەسەکەینە گلێرێ بیێ.
ئەندامو ئەنجومەنو کۆنگرەو ستاری شارو حەسەکەی کە بەشداری کارەوانەکەین واتش: "ملمێنە بەنداو تشرینی و جە دژو ئەرەگیرا مردمێوە. پارێزناو بەنداو تشرینی ئەرکو گرڏ کەسێوەن."
هاموڵاتیێ تەرێ، بۆتان جزیرە کە ئەرەنیشتەو حەسەکەین باسش چانەیە کەرد سەرکەوتەو مڏرامانو بەنداوو تشرینی ماناو سەرکەووتەی تەمامو هەرێمەکەین.
ژەنێوە بە نامێ مونیرە یوسفی دەستنیشانش کەرد هرووژمەکێ نمەتاوا ئیرادەما ماڕانە و واتش: "پێسەو گەلی پەی پارێزناو بەندواوەکەیما و پەشتگیری کەردەی جە مڏرامانەکا جەنگاوەرا یەپەژەی و قەسەدەی ملمێنە بەنداو تشرینی."
کارەوانەکە بە واتەیۆ درووشم و سڵامکەردەی جە مڏرامانو جەنگاوەرا بەرەوە بەندواو تشرینی کۆتێ ڕا.
