کاسێڵەنە پەی ئازادی رابەرو گەلوو کوردی عەبدوڵا ئۆجالانی ڕاپیمایۍ کریا و ئی پەیامە ئەرەیاۋییا: "جە گرڎ شۆنۍ دنیێنە، ئەرەکۆشایما تا ئازادی رابەرایەتی و کورڎەسانی بەردەوام بۆنە".
شارو کاسێلو ئەلمانیاینە جە چوارچێوەو هەڵمەتەو "ئازادی پەی عەبدوڵا ئۆجالانی، چارەسەری پەی پەرسو کورد"ینە ڕاپیمایۍ سازکریا.
بەدەیان کوردەسانیۍ کە وێستگەو قیتارو ناوەندو کاسێلینە کوۍ بیێوە، پەی بەرزڕاگێرتەی یاڎو گەشمەرڎا ئازادی دەیەقێوە بە بێدەنگی مردۍ و دماتەر بەرەو مېێڎانو کاسێلی ڕاپیمایشا کەرد.
جەماوەرەکە لافیتۍ "ئازادی پەی عەبدوڵا ئۆجالانی"، "رابەرایەتی ئازاد، ئشناسنامەی ئازاد، کورڎەسانی ئازاد" و وێنە-ئاڵاکۍ رابەرو گەلوو کوردی عەبدوڵا ئۆجالانیشا بەرزۍ کەردێوە. سەرەمڕە دروشمەکا "بژیۋۆ سەرۆک ئاپۆ"، "بێ سەرۆکی ژیۋای نمەبۆ" و "ژەنی، ژیۋای، ئازادی" واچێنێوە.
هامسەرۆکا شارەوانی ناوەندو جەمەو دیموکراتیکی کوردی جە کاسێلۆ پەیامێوەشا ۋەناوە و چنەشەنە ئامابۍ، "ئازادی رابەرایەتی ئازادی گرڎو گەلوو کوردین. گۆشەگیری تاوانێوە مرۆڤایەتیا. مشۆم دەموودەس رابەر ئاپۆ ئازاڎ بکریۆ. ئێمە جە هەرکۆو دنیێنە بیمۍ، تا ئازادکەردەی رابەرایەتی و کوردەسانی بەردەوامۍ بیمۍ جە ئەرەکۆشای".
