یوە جە ئەرەمەرزنەراو پەکەکەی، ساکینە جانسیزە، دیپلۆماتکارەو کوردی و نوێنەرەو کەنەکەی پاریسنە فیدان دۆگانە، ئەندامەو تەڤگەروو گەنجاو کوردی لەیلا شایلەمەزە، کە ٩ کانوونوو دووەموو ٢٠١٣ پاریسنە گەشمەرڎۍ کریێ، کۆبانێ-نە بە ڕاپیماێوە یاڎ کریێوە.
ئەنداماو یۆبییەیی ژەنە گەنجا و تەڤگەروو گەنجە شۆڕشگێڵناو کانتۆنوو فوراتی ڕاپیماێوەشا کەرد پەی یاڎکەرڎەیۆ گەشمەرڎاو کۆکوشیی پاریسی. ڕاپیمایەکەینە ڕسموو گەشمەرڎا و ڕابەروو گەلوو کوردی عەبدوڵا ئۆجالانی بەرزۍ کریێوە، بەرڎەوام درووشموو "گەشمەرڎۍ مەمرا" و "بژیوۆ سەرۆک ئاپۆ" و "ژەنی، ژیوای، ئازاڎی"ی وچیێنێوە.
ڕاپیمایەکە مەیدانوو گەشمەرڎە عەگیدینە تا مەیدانوو ژەنۍ ئازاڎۍ بەرڎەوام بی. دماو دەیەقێوە ڕێزگێرتەی وەنەو گەشمەرڎا، ئەندامەو ژەنە گەنجاو کانتۆنوو فوراتی، نادیە ئاغاسی ئەوەخوایش کەردۆ، مەبۆ ئی کۆکوشییە هۆش بشۆوە، هەرگیز هۆشما مەشۆوە و تا ئاخر خاوەنداریی جە گەشمەرڎا و میراتەکەیشا کەرمێ.
ڕاپیمایەکە بە درووشموو "گەشمەرڎۍ مەمرا" و "بژیوۆ سەرۆک ئاپۆ" و "ژەنی، ژیوای، ئازاڎی"ی دماییش ئاما.
