کۆڵبەرێوە بە تەقەو پاسەوانا سنووری عێراقی کوشېیا
هێزەکاو پاسەوانا سنووری عێراقی جە سنوورو هەورامانینە کۆڵبەرێوە تەمەن ٢٦ ساڵشا کوشت.
بەپاو هەواڵێوە رۆژنیوزی هێزی ۋێرەگا یەکشەممە سنوورو دەگاو هانەو دنێنە جە هۊرامان کۆڵبەرێوە خەڵکو دەگاو سەرگەتۍ بە نامۍ ئارام خەلیلی تەمەن ٢٦ ساڵ بە تەقەو هێزەکاو پاسەوانا سنووری عێراقی کوشېیان.
ئا جوانە کە جە ڕاو کۆڵبەریوە بژێوی ژیۋایش پێڎا کەرۍ ، گولۍ ۋەرو سینەیش کۊتە و دماو فاڕایشۆ پەی خەسەخانەی عەمرەو خوڎایش کەردە.
چا بارۆ بارزان عوسمان واتەواچو پۆلیسو هەڵەبجەی ئەرەیاۋناش، تەرمو ئا جوانەیە رادەسو بنەیانەکەیش کریانۆ و ڕاوجای یاساییچ ۋەرا ۋەر پا کەسا گیریۊنە ۋەر کە تەقەشا کەردەن.
سنورو هۊرامانینە چن مەرزێوە لابەلۍ هەنۍ، ڕووانە مەردمو ناوچەكەی هەرمانەو فاڕایۆ كاڵای و شمەكیش چنە مکەرا، جە مابەینو ۋەرکۊتی و پانیشتوو کورڎەسانینە، فرەو وەختیچ بەمەڵامەتو تەقەو پاسەوانا سنووری و پاسدارا ئێرانیوە کۆڵبەرۍ بانە بە قوربانی.
