کۆڵبەرێوە کوشیا و کۆڵبەرێوەیچ بێسەروشۆنا
جە ئاکاموو تەقەو هێزەکاو دەوڵەتوو ئێرانی جە هەورامانەنە کۆڵبەرێوە کوشیا و سنووروو بانەیچەنە دماو ئانەی دەسڕێژوو گولـلا جە ژمارێوە کۆڵبەرا کریا، ماوەو زیاتەر جە دووۍ ڕووان کۆڵبەرێوە بێسەروشۆنا.
بەپاو هەواڵێوە کۆمەڵەو مافوو مرۆڤوو کوردسانی رۆو چوارشەممەی سنووروو تەتەو هەورامانینە ژمارێوە کۆڵبەر ۍکەوتێنۍ بۆسەو هێزەکاو پاسەوانوو سنووری دەوڵەتوو ئێرانی و جە ئاکاموو تەقەو ئا هێزانە کۆڵبەرێوە کوشیان.
ئا کۆڵبەرەی کوشیان نامێش سەیوان دەستئەفکەنا خەڵکوو دەگاو دەرەپەمەیانی مەریوانیا.
جە لێوەتەرۆ سنووروو بانەینە، گێڵای شۆنەو کۆڵبەرێوەرە بە نامۍ محەمەد رەحیمی خەڵکوو شاروو سەقزی بەردەواما، کە ماوەو زیاتەر جە دووۍ رووان بێ سەروشۆنا.
رۆو دووەشەممەی دماو ئانەی هێزەکاو دەوڵەتی تەقەشا جە ژمارێوە کۆڵبەرا کەردەبێ ئا کۆڵبەرە جە هامڕاکاش بریابێرەو بێسەروشۆن بیەبۍ.
جە سەرەتاو ساڵەی تازۍ کوردییوە واتە جەماوەو کەمتەر جە مانگێنە٥ کۆڵبەرۍ جە مەنتیقە سنوورییەکاو ۋەرکەوتوو کوردسانینە بە تەقەو هێزەکا دەوڵەتی کوشیێنۍو پەنج کۆڵبەرۍتەرێچ بە مەڵامەتوو رووەدایەکا پێسە رەقبیەیۆ کۆتەیرەواری جە سەختینە و سەکتەو دڵیوە جە وەختووکۆڵبەرینە گیانشا جە دەسدان و زیاتەر جە ٤٠ کۆڵەبەرایچ چا ماوەنە زامڎارۍ بیۍ.
